السلام عليكم .. مجرد رأي
كلام من قلبي
http://elgendy.forumotion.com/montada-f3/topic-t12311.htmيارب في شهر البيان
....
شيء من زمان
من غير مانعرف السبب
أو حتي نسمع للأذان
دايما بنقرا اللي انكتب
ونقول ياناس كلـّه بأوان
بنعيش حياه جوّا العلب
باعوا تاريخنا للحيتان
بلاش تعاتبوا اللي اتغلب
تظهر عيوبنا للجبان
خللونا ننسي كتير هوان
ننسي اللي خان ، واللي هرب
وكتير باعونا بالضّمان
ياما قالولنا كتير خـُطب
نسيوا الحقيقه والمكان
وعشان هانبني اللي اتخرب..!
اقروا التاريخ ، شوفوا اللي كان
اجدادكوا عاشوا بدون غضب
تعبوا كتير ، علشان تبان
حضاره ساكنه قصور ذهب
منها اللي سرُّه في المكان
واللي كتير منها اتنهب ..!
واللي شافوه كل العيان
في الطل عاري بدون سحب
شوفوا الصور ، بتقول بيان
شكل الحضاره ع الحجاره والحطب
ساجننها ليه جـوّ الحيطان ..؟
بتعاني من كتر العطب
بالرغم إنْ كتير غيلان
نهبوا الصور ، واللي انكتب
واتعلموا فن الميدان
فرضوا الغلاء ، وبدون تعب
نسيوا الولاء ، حاربوا الأمان
عايشين حياه ، نسيوا الأدب
يارب إمته نكون كيان
ونكون حماه تحت الطلب
للأمه ننصرها بْميزان
وبلاش نخاف ونقول طرب
واللي بيخسر في الرهان
واللي يقسّـمها عـِزَب
علشان ينول حبة حنان
م الغوله واخوتها الجرب
ناسيين بإن الحق بان
والنصر كان لوه العجب
لمـّا الإله قـدّر وعان
والدنيا شهدت للعرب
يارب في شهر البيان
إعتقنا من أهل الشجب
الغوله نسقيها الهوان
علشان تذوق طعم الهرب
....
أشكركم
وللجميع تحياتي