وبرضه لســّه تتعجب ..؟ ..ضياء الدين البري

السلام عليكم .. مجرد رأي
كلام من قلبي


http://elgendy.forumotion.com/montada-f3/topic-t11491.htm


وبرضه لسّـه تتعجب .؟

..........


نعيش في الدنيا نستغرب

ونستعجب

دا أصل الحيله محدوده

وبنشوف الأمور تصعب

وجوّا قلوبنا نتعذب

كتير باينه

علي عيونـّا

ودقات الزمن تضرب

شعوب هاينه

وبايته جوّا في نفوسنا

عشان تقدر تحيـّرنا

وجوّا نهارنا موجوده

ومفروده

علي جبينـّا

وساكنه جوّا أسماعنا

حروف خاينه

بتداري عشان تجمد

يادوب تهمد

نقول مشْـيتْ بعيد عنّا

وترجع شايله مَرزبّـه

وجايبه ايّام بتزرع ويل

بيطرح ذل يحصدنا

وأشلاءنا

بنجمعها بدون تهويل

وحبات الأمل تهرب

تسيب النبته في صدورنا

عشان تكبر وتتعلـّم

لكل أمورنا تستوعب

ووقت الجد تتكلم

تزيح عنا سواد الدهر

تشيل منا سدود القهر

رموز الجُثـّه مهدوده

وسجنانا هنا فْ دورنا

وخبية النفس ممدوده

ونسيوا الأقصي والترتيل

ويحكولنا غنا ومواويل

عشان ننسي مواجعنا

ولانفكر في يوم نغضب

وبرضه لسه تتعجب.؟


...........


أشكركم

وللجميع تحياتي