وإمتــه يا أمــّه هاتنوي الخير..؟ .. ضياء الدين البري

السلام عليكم .. مجرد رأي

كلام من قلبي


http://elgendy.forumotion.com/montada-f3/topic-t11403.htm





وإمتــه ياأمــّه هاتنوي الخير.؟؟؟


....



في إيدينا إيه..؟
نقدرعليه
غير هيّ كلمة حق تطلع مننا
ونخوه حرّه تهزنا
تحيي الضمير
اللي عادينا سكته
وامشينا ضد رغبته
معرفش فاتنا وراح لمين
إحنا حاربنا صحوته
ولما نسينا حكمته
ودّع وغاب
والحق ميّـل مننا
جوّا الحياه شوفنا العذاب
وبقينا ضده ونعاديه
فاتنا وراح بعزته
مشفق علينا م المصير
حتي خاصمنا عزوته
وفضلنا نهرب م العتاب
واللي يقول الحق فين
يلقي المرار مادد إديـه
حتي النهار خاصم عنيه
ويعيش ذليل والحاله شين
والقهر ييجي يلمنا
نسكت ويهرب دمنا
هانموت بحسره عالأسير
فينا اللي قلبه بيناديه
واللي بيصرخ ويواسيه
ينده يقول يا أمّه ليه
الغوله دايسه من سنين
واحنا نقول الصبر فين
قاسيه وشاطره فْ ذلنا
والقدس بيعاني وحزين
يصرخ يواسي ضعفنا
صعبان عليه من كسرنا
ويقول يا أمّه نسيتي ليه
مجد الصحابه والأئمه المخلصين
فاتونا واحنا منصورين
فرّطتي ليه في مجدنا.؟؟؟
بعتيه وحالنا شيخ ضرير
والأمه نسْيت عهدها
فكرانا بس فْ سحلنا
حتي التاريخ حرفتوا فيه
رمتوه رخيص للي معاديه
ومنّه عرفوا جهلنا
وازاي يكونوا ضدنا
وإمته وفين
يقضوا علينا كلنا
والأمه دايسه فْ قلبنا
شايفه مزاجها والله زين
مايهما الأقصي السجين
نسيت وسهيت عننا
أما اللي ناهب أرضنا
تجري تروح له وتراضيه
منها اللي راح وباس إيدييه
فجأه ولقْيـِتْ نفسها
عايشه أسيره فْ كهفها
والحر دايما بتناديه
ياإما تبقي مننا
ياإما تبعد عننا
وتعيش سجين جوّا الكمين
عشان الغوله بتعاديه
ولجْل ماترضي عنّـها
سيباها طايحه تغمنا
دايسه شرفنا وارضنا
علي كل حاجه مسيطرين
وفي الرؤس متحكّمه ماعرفش ليه
وعشان خاطرها مساكّتينّا ومكبوتين
ومعايّشينّا فْ حاله طين
ضاع الضمير والحال خطير
بس الشعوب صرخت كتير
والأمّه لسه فْ حلمها
إمته تحس بقهرنا
ياريت تبص فْ حلمنا
هاتشوف ملايكةْ فْ قدسها
تحميه بأمر ربها
لحظه وها تلقي نفسها
فاقت وتندب حظها
عايزه تتوب م اللي احنا فيه
وتقول للغوله إنتي مين
وساعتها الكل يشوف بعنيه
اللي غَـناهم عزنا
واللي خانونا عهدنا
ساعدوا وزادوا فْ جرحنا
لازم يفوقوا ويعرفوا هوّا احنا مين
وإن القرار بقي ملك اْدينا كلنا
إحنا الحضاره ومسلين
ياريت تفكر في المصير
تنده ياأولي القبلتين
وكل القلوب تبكي عليه
إمته تدوّر عاللي راح
فايتنوا ليه..؟
نسيانا ليه..؟
ياريت تحسي بهمنا
تفتكري إن قدسنا وضعه خطير
واحنا بندعي ربنا
تصحي تفكي فْ يوم إيديه
فكي الحصار عن جندنا
سجنانا نصرخ جوّا بير
إدينا فرصه تلمّنا
عشان نحرر قدسنا
يكفي الزمن طوّل عليه
سايباه بيصرخ ماتْـغتيه.؟
آن الأوان ياأمنا
مدي إيديك بإسم القدير
بصي بعينيك نحو الأسير
وكفايه ذل وعار مشين
وإمته يا أمّه هاتنوي الخير
ساعتها كله يقول آااامين


.............


.............

أشكركم
وللجميع تحياتي