يـاعيب الشــوم .. ضياء الدين البري

السلام عليكم .. مجرد رأي
كلام من قلبي

http://elgendy.forumotion.com/montada-f3/topic-t11131.htm

ياعيب الشوم

........

ياعيب الشوم
نسيت نفسي في جوّايا
وتاه جوّاي متغرب
عشان اطفش بلاقي غيوم
وجفن عنيكي سجّاني
بيسجني وينساني
ورابطالي حبال الصوت
أنادي كتير ولمّـا اتعب
بقيت اصرخ وانا الساكت
أنا الساكن حدايا هموم
تسهّـرلي فْ سمايا الليل
ولا يهدا ولا يتعب
يحارب فيّ أحلامي
يحوّطني بسواد اللوم
أعيش في الدنيا وحداني
يحاكمني بدون تأويل
يعيّشني في ذل وْيل
يتـوّه فيّ عنواني
يحارب فيّ اخلاصي
عشان ما اقدر في يوم اهرب
لمحت الخل يستغرب
لقيت الخوف سكن في عنيه
وشوفت الكل يتهرّب
بِعِـدْ عنّي في يوم مشئوم
وقال انّي رمِيّـه عليه
وعيّشتو في أوهامي
وخسّرتو قمر ونجوم
ويتْهمني وانا المظلوم
وياما كتير قالوه عني
أنا القاسي
بقيت اطمع في خير ناسي
وبعت الغالي بالنبوت
وبالعافيه وتوم فاسي
نهبت الرزق والمقسوم
وغلّيت التمن في اْديه
وأكـّلتو القليل مسموم
عشان ييجي العمي في عنيه
ولايقدر يشوف تاني
وفي نهاره يعيش محروم
يبات ليله تصاحبه هموم
ولاينده يقول ياااني
وسكـّنت العَلام في تابوت
وخلليت العقول تاهت
تروح برّه تعيش في هموم
وحال الصحه شيء يصعب
فضلت اصرف علاج بايت
ولبّـستو الكفن مخروم
وبيّعتو التراب بالشوم
يقول عني بقيت عاصي
وفاقد كل إحساسي
بيحسبني ماخاف الموت
دخول القبر مش معلوم
ويوم الحشر له ناسي
ياريت الكل ييجي فْ يوم
يحاسبني واكون جاني
ساعتها ارضي بحرماني
واسيب حضنك بدون تهويل
أفوت أرضك في يوم معلوم
عشان العقل فات راسي
ونبض القلب عاداني
وانا استاهل أعيش محروم

.............