إيه ذنب القــــيم ....؟

Admin عدد المساهمات : 2444 تاريخ التسجيل : 12/06/2009

إيـه ذنب القيــم ؟؟؟

......

دوَّرعلي كل القيم

تلقاها غايبة من سنين

تعرف تقول إيه السبب ؟

فكَّـر شويه بحكمتك

تلقاها ساجنه نفسها

حزن وأنين

شافت جذورها اتقطعت

تاهت حروفها اتبعترت

نسْيـِتْ مبادئها الأمم

بعدت كتيرعن دنيتك

مشيت وشاردة بدون وطن

لما بعدنا عنَّها

من غير قضيه ترتكب

أو شيء مخل منـَّها

وناس كتيرة مننا

عارفين قيمتها وفضلها

عايشين حياتهم مرتاحين

منا اللي عايش خد وهات

من غير مايخطب ودَّها

يظلم ولا تهمُّه الآهات

واللي يشاور من بعيد

تشيب أجنـَّه ف مهدها

وكتير يقول ياعم هات

عايزين ياخويا نجيب جديد

وان قولت حالتي ديـَّقه

عاشين بصورة مزوَّقه

يرفض تتم المصلحة

وبحجة مش ف محلـَّها

طب يبقي إيه ذنب القيم

لما داستها كتير ذمم

رب العباد هوَّ المعين

أشكركم

وللجميع تحياتي

>>>>>>>>