وبضمير الشعب قــرّر.... ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم ... كلام من قلبي

أحمد مصطفي البري كتب :

وبضمير الشعب قــرّر
....

مش هايحصل ..
إني أرجع تاني واغفل
مهما حاولوا يهدّوا حيلي
أو يحاوطوا بيّا ليلي
أو يصرّوا إني أرحل
مش هايحصل
***
مش هايحصل ..
مش هانتعب يوم ونركع
مش هانغضب يوم ونرجع
مهما ذئب الويل يدبّـح
مهما بومة الليل تقبّح
مش هانخضع
أصل بيع الندل أسهل

***
مش هايحصل ..
إن ريق الأرض ينشف
أو جسور في النهر تضعف
مش هاتوصل..
إن صوت الحق يهرب
مهما شوفت فْ بكره أصعب
مش هايقدر..
يمحي نبض القلب مني
أو يخيّـب فيّا ظني
مهما شوفت الدّبّـه عاصيه
أو ذيول في الفوضي قاسيه
عايزه تنزع مني قلبي
لجل تزرع فيّا رعبي

***
مش هايحصل ..
مهما عشت كتير مليّـل
أو عليّ الليل يطوّل
أصل ثوب العار رميته
ذنب كنت فْ يوم جنيته
ومّـا ربي فْ علمه قدّر
وبضمير الشعب قرر
قام بثوره مش هاتقبل
إلا بالتطهير وأشمل
لجل بكره نشوفه أجمل

....

وهذا رابط المنتدي المنشوره علي صفحاته والتعليقات عليها

http://elgendy.forumotion.com/t17832-topic

أشكركم
وللجميع تحياتي

» ورجّـع قلبي ياشاطر .. احمد مصطفي البري ( ضياء الدين البري )
» وليـــــــــه الحب من تاني... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )
» ياااااااااااااااأمتي ....ضياء الدين البري