القسوه حرقت دمنــا والحلم مات ... ضياء الدين البري

السلام عليكم .. مجرد رأي
كلام من قلبي

أحمد مصطفي البري كتب :

القسوه حرقت دمنا والحلم مات
...

بتلوموني ..؟
هانت عليكم دمعتي ونبضي العفيف .؟
ونسيتوا دنيا عشتها طوبه وخريف .؟
ونبض إبني اللي اتخطف من بين ضلوعي
لسّه آهاته وأنـّته يرعوا فْ ربوعي
والصوره لسّه بدمّها ساكنه فْ عيوني
حتي الوليد
كانت ملايكة ربنا جايّه تراعيه
فجأه لقينا شمعته داسها الخسيس
اللي مخافشي ربنا وخطف العريس
من حضني ليلة دخلته قبضوا عليه
شوفتوا الحياه ، دايره تعاديه
ساعتها ليه سيبتوا الجناه يتحدوا فيه
من رزق نيله عطّـشوه ..
م اللقمه حتي جوّعوه ..
داسوا علي نبت الصبا
من بدر ليله جرّدوه
والنبضه فيه متعذبه
من غير آهات
جوّا حيطانهم ضيّـعوه ..
طلقوا غيلانهم حطـّموه ..
رغم السكات
القسوه حرقت دمنا والحلم مات
في المهد مافـْرحش بميلاد
والحزن جوّانا اتخرس
والزهره نشفت من الغبا
والقلب جوّاها اندهس
والنبض قدروا ودمـّروه
وبحكم ظالم مرّروه
دا كله ليه ..؟
الله فْ سماه ، أمـَر الملايكه يكرّموه
وكفايه نال كل الرضا
ومن إرادة ربنا كان الشهيد
هايعيش هناك في جنته وعالم جديد
دا حبّه ليّ فْ دنيته ناصع شريف
وبْـصرخه زاعقه في الفضا
نبضت قلوب كل الولاد
من غير ميعاد
لبّـوا الندا
هبّـوا ونادوا للفدا
نزعوا فتيل الهمهمه
والفضفضه
جوّا الميدان ، حفروا الأيات
بقلوب نصاري ومسلمه
نالوا الشهاده بمكـْرمه
وملايكه نزلوا م السما
ساعدوا علي صد العدا
وبأمر من رب العباد
ثوره بريئه مكرّمه
رمز الإراده والجهاد
وعشان كدا
أتمني نقضي ع الفساد
وكل أطياف العناد
ونعيش حياتنا مؤمنين
نبقي حبايب كل ملّه وكل دين
واللي باحبه يحبني ، من جوّا قلبه يقول آمين

...............

أشكركم
وللجميع تحياتي

وهذا رابط المنتدي التي تم نشر القصيده بين صفحاته
والعليقات عليها

http://elgendy.forumotion.com/t16390-topic