كاس البعــــــد شربته عيار .... ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. مجرد رأي
كلام من قلبي
أحمد مصطفي البري كتب :

كاس البعد شربته عيار

.....

حبك ليه اتمكّن مني
وانت تمللي بتبعد عني
وبتشغلني كتير وتطوّل
يشمت فيّا إنس وجني

نفسي اطمن رغم غيابك
شايفه حنيني سابني وجالك
وانت بقالك وقت مليـّـل
ليه بيعذّب طيفي دلالك

وامّــا سألته مين وصّاك
تيجي ويهرب قلبي معاك
ومّــا بيرجع ، بالقاه عيّـل
من أحزاني بيجري وراك

أرجع انادي عليك ماتجيني
ييجي الرد يقوللي انسيني
برضه هاحاول يمكن اكمّل
صوت أوتارك سر أنيني

مهما يغيب عن قلبي هواك
ومهما بعدت وغبـت هناك
إن كان قلبك نبضه اتحول
برضه انا هاصبر واستناك

بعد دا كله ناسي تجيني
تجبر خاطر قلبي وعيني
إن مارجعتش ، هاقدر احوّل
قلبي ونبضي وكل حنيني

كاس البعد شربته عيار
بالألوان وف طعمه مرار
فجأه لقيتك ، جاي تهلل
ولقيت قلبك برضه عمار

يكفيك قلبي يترجم نبضك
أديك حبي ، وتخلف وعدك..؟
حبك جوّا فْ قلبي مشعلل
ذنبي إني أصيله فْ حبك..؟

ويّا النسمه جاتني رسالتك
قالت غنوه بنفس شقاوتك
ولْقيت طيفك حن وميـّـل
زادت عندي والله غلاوتك

لسه هاتقدر تبعد تاني..؟
وتغلـّبني وتبقي أناني..؟
مش هتلاقي قلب يدلل
روحك بيعوضها حناني

إمته تجيني تريّـح بالي
والأفراح تسهر بي ليالي
علشان قلبي نبضه يصهلل
والأيام تفرح لي ياغالي

والله الدنيا مش هاتسعني
ولاحد هايقدر يمنعني
إني أغني غنوه تجلجل
وانت بكل مافيك تسمعني

كل الناس دي هاتفرح لينا
لمّـا يبان الشوق في عنينا
هايزفـّونا واحنا نكمل
نعيش أفراحنا بكل مافينا

...
وهذا الرابط للدخول الي المنتدي الذي نشرت عليه القصيده والتعليقات عليها

http://elgendy.forumotion.com/t13980-topic

أشكركم
وللجميع تحياتي

كاس البعــــــد شربته عيار .... ضياء الدين البري 1330857165

كاس البعــــــد شربته عيار .... ضياء الدين البري 1330857165

» وليـــــــــه الحب من تاني... أحمد مصطفي البري ( ضياء الدين البري )
» ورجّـع قلبي ياشاطر .. احمد مصطفي البري ( ضياء الدين البري )
» عناوين تايهه ... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» ياااااااااااااااأمتي ....ضياء الدين البري