هيّ الحيـــاه بتساوي كام ... ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. مجرد رأي
كلام من قلبي

أحمد مصطفي البري كتب :

هيّ الحياه بتساوي كام .؟

.......

بحق رب العالمين
خللونا نبدأ بالسلام
يهرب شيطان
صعب ولعين
وكفايه ضيّـعنا السنين
ونسينا إيه معني الكلام
دايما بنسبح بالشهور
من غير لجام
جوّا الأنين
سيبنا الأجنه في البحور
تبكي وتهرب م الزمام
ضيعنا ليه حصن الأمان
ونعيش ضحايا للزحام
خللونا نرجع للحنين
مهما اتحاربنا بالملام
نقتل ظلام
والقسوه ندفنها فْ قبور
جوّا القلوب الميته
خللوها تخفي تروح تغور
نبتر أهات مستموته
ساكنه ف دمانا تقول دامين
داللي يقرب ناحيتي
بيكون رهينه لحرقتي
أصل الحقيقه مُغيـّبه
والفرقه غايه فْ دنيتي
ودي فرصتي
أجري ووسع خطوتي
أشغل عقول متلهلبه
أسكن قلوب الحيرانين
تفضل حياتها معذّبه
شوفتوا الضحيه تبقي مين .؟
هيّ أكيد
بهيّه وولادها العبيد
لله رب العالمين
عايزينا نفضل ملخومين
طول الحياه متأخرين
عن كل خطوه تجيب جديد
ونهار وليل متهددين
نضرب في بعض بالحديد
تطفش عقول رمز المكان
تضعف قلوب جوّا الكيان
ندفن تاريخ عمره مديد
إمته نفوت جوّا اليقين
يعلي المقام ونفك قيد
ترجع أصول أيام زمان
ونعيش بروح أهل العبور
هيّ الحياه بتساوي كام
من غير أمان

...

وهذا رابط المنتدي
التي نشرت عليه القصيده والتعليقات عليها

http://elgendy.forumotion.com/t13807-topic

أشكركم
وللجميع تحياتي

» وليـــــــــه الحب من تاني... أحمد مصطفي البري ( ضياء الدين البري )
» ورجّـع قلبي ياشاطر .. احمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )
» ياااااااااااااااأمتي ....ضياء الدين البري