admin
Admin
عدد المساهمات : 2444
تاريخ التسجيل : 12/06/2009
 |  موضوع: دنيا تعاديك قاسيه عليك إوعي الحرام .. ضياء الدين البري  الجمعة نوفمبر 09, 2012 2:33 pm | |
|
السلام عليكم .. كلام من قلبي المجروح
أحمد مصطفي البري كتب :
دنيا تعاديك قاسيه عليك إوعي الحرام
....
أهل الوضوح مابيعجبوش أهل الكلام
إوعاك تكون ضد لأخوك مهما الخصام
تلقي الجميع بيقول عليك طبعك مليح
دول أهل ليك بيقدّروك أصل ومقام
من غير نهار ليلنا الطويل قهر وْصراخ
كل الجـِمال فضلت سنين ساكنه المناخ
حتي الدّيوك فطست هضر من غير دبيح
شوفنا الحيتان متجمّعين وسط السباخ
من بعد ليل ظلمه العنيد حطـّم عباد
سكّن دموع في النّن من وقت الحصاد
طوّل سنين تنهب من القلب الجريح
سجّان لنبض فْ نبتته حصن البلاد
وبقدرته ربّ العباد صحيت قلوب
علـّت أدان ف الفجر من بعد الغروب
جوّا الميدان شوفنا الشّهيد قدّم دليل
الظلم فاق من صدمته بلـّغ هروب
بتعيش حياة مخلص بجدّ وبالأصول
وقت اللزوم تلقي الجميع يركب خيول
من خاف عليك خلّيك معاه جادّ وصريح
تفضل قريب خلّ وْحبيب عمرك يطول
إجمد وعيش لو جوّا خيش تبقي الهمام
دنيا تـْعاديك قاسيه عليك إوعي الحرام
دايما عاديه متقولش ليه رزقك شحيح
عيش بالحلال ربّي العيال تبقي الهمام
....
| |
|
