admin
Admin
عدد المساهمات : 2444
تاريخ التسجيل : 12/06/2009
 |  موضوع: يتوه المعني ف عيونك .. ضياء الدين البري  الجمعة نوفمبر 09, 2012 2:36 pm | |
| السلام عليكم .. كلام من قلبي المجروح
أحمد مصطفي البري كتب :
يتوه المعني ف عيونك
......
وليه الحزن جواكي .؟
ينادي الدمع في عنيكي
ويطرح لك أسي وحرمان
بيتعايق علي جبينك
يبكّيكي
ينسّيكي ليالي زمان
رسمتي الحلم جوّاها
وعايشاكي
وكات الفرحه بتجيكي
معاكي نعيشها جوّانا
ونبض القلب ينده لك
يهنـّيكي
ينسّيكي
قلوب قاسيه وعصياكي
وكنتي فْ لحظه ترميها
وتنسيها
في قبر حدوده م النسيان
في بحر شطوطه غرقانه
خساره تكوني حزنانه
وليل الحزن شكله يـبان
علي خدودك
يتوه المعني في عيونك
ونبضة بكره نعسانه
حروفها الشارده تبْـكيكي
ياريتك قادره تنسيها
وترمي الدمع في عنيها
أشوف الحنه في إيديكي
وتاج العرس بيزينك
وندهت الفجر بتزفـّك
وتفرحبك في كل أوان
لأنك وانتي في حسنك
ماشوف زيّك ولا إنسان
ولا شوفنا الجفا منِّك
برغم الغيبه والنسيان
وطول عمرك
ينوّر قلبي قنديلك
ياسايعه الكل في قلبك
ياغاليه قولي مين زيّك
يراضي الأهل والخلان
.. | |
|
