admin
Admin
عدد المساهمات : 2444
تاريخ التسجيل : 12/06/2009
 |  موضوع: هوّا خلاص هان الشرف..؟.. ضياء الدين البري  الجمعة نوفمبر 09, 2012 2:40 pm | |
| السلام عليكم .. كلام من قلبي المجروح
أحمد مصطفي البري كتب :
هوّا خلاص هان الشرف..؟
......
ياااااكل قلب النبض فيه
عايش ولسّه الخير ماليه
ناسيين صراخ الأقصي ليه..؟
ينده عليك يامنصرف
هوّا خلاص هان الشرف..؟
فرّطنا فيه ، للي معاديه ..؟
جوّا القلوب مات العصب..؟
طب ليه نسيبه مُغتـَصب..؟
في الأسر شايفه بيتظلم
توب الكفن ، متقاس عليه
ولإمتي نفضل ننضرب..؟
مستسلمين وبدون غضب
جوّانا خوف تُقـْل الهرم
متفرّقين وبدون سبب
مكفايه نبكي ونواسيه.؟
وفْ كل أمر بنختلف
جوّانا صمت بنعانيه
أمتنا مُسْخه للأمم
متوسلين حتي الهرب
المجد فاتنا بدون ندم
بعنا الضمير ، خربت ذمم
ضاع التاريخ جوّا الكتب
نخوتنا صابها كتير عطب
شاطرين نكبّـر في العمم
منـّا اللي باع ، واللي نهب
واللي عدانا وانحرف
ياكُـل حُـرْ الدور عليك
قلبك سجين والخوف ماليه
فك الحصار ، حرر قلم
هات الحروف ، حرك إيديك
الأقصي سامعه بيناديك
وفين ياناس أهل الحـِكـَم
بالكلمه قوم نـوّر قلوب
إصرخ بصوت صحّي الهمم
بيّـن عيوبنا واعترف
تلقي القلوب فرحانه بيك
والنبض في قلوبنا يناديك
إكتب ولوّن في الحروف
دا نبض ريشتك يتوصف
يطرح أمل ، الله عليه
تطرد قلوبنا أي خوف
وتشوف رجال والله عجب
تسمع أدان الفجر فيك
صحّي الهمم
بدون حمم ، نامت عدم
تقوم تدوّر يوم عليك
تبكي اللي راح ، تبدي الندم
حتي اللي مال ، يرجع يقف
نبني تاريخ كان اتهدم
تحيي انتماء كان اتخطف
نبض القلوب يرجع يطوف
ينده ياشوق اللي اتحرم
من نبضي وفْ حبه اتظلم
مادد إديّا الدورعليك
بقلب نبضه ماينحرف
إمتي ياناس نرجع قمم ..؟
نبني الكيان رمز وعلم
الأقصي من أسره يناديك
والقدس عايش مغتصب
عايش هناك الله حاميه
وملايكة الرب تْراعيه
لازم نقر ونعترف
إن احنا ناس قصّرنا فيه
راجعين بعون الله إليه
ودا رغم أنف المغتصِـب
...... | |
|
