admin
Admin
عدد المساهمات : 2444
تاريخ التسجيل : 12/06/2009
 |  موضوع: إلطـم خدودك يازمن .. ضياء الدين البري  الجمعة نوفمبر 09, 2012 2:51 pm | |
|
السلام عليكم .. كلام من قلبي الموجوع
احمد مصطفي البري كتب :
إلطـم خدودك يازمن
......
إبكي ياعين
نهْـنـهْ ياقلب
وفين أهاتك ياعلم
نبضك حزين
شبَّـعْْـنا غـُلب
القلب م القهر اتقسم
هانت عليك ..
دماء ضحايا بتعشقك
رغم الأنين ..
جوّاها نبض بيعزفك
كانت بتحلم يوم تحب
وتعيش حياه ، دفء بحنين
الحلم جوّاها اندفن
جوّا الجفون
عيون بتهرب م المحن
وبرضه لسّـه بتكتبك
وفوق جبينهـا بترسمك
والنبض قبل مايتولد
يعشق حروفك ياوطن
وصوت شهيدي الْ اتخنق
من غير أهات
وبدون غضب
سطـّر أيات
فرحان وشوفتو بيبتسم
جوّا التاريخ ، إسمه انكتب
ونبضه لسّه بيتجلد ..!
ودموع حبيبتي اللي روت
شراقي في قلوب اتـْكوت
بنار ولدها اللي اتشنق
قدام عنيها المجروحين
شافت سنينه بتـتْـنهب
واللي نهب ...!
عايش بيربطها بْـوتد
وبين ملامحه بيترسم
رعب بشجن
والقيد بارود
من غير حدود
يدهس ضلوع بنت وْلد
ولإمتي ياكل الهمم .؟
هانشوف ولادنا المدبوحين
قدّام عنينا بتندفن
من غير كفن ..!
وبدون مانعرف هوّا مين
اللي دبح ..
سكّينه تلمه ع البدن
واللي اندبح ..
دمّه بيجري بدون سبب
غير إنـُّو بيحب البلد
وفين حقوق اللي اتظلم
م اللي ظلم ..
إلطم خدودك يازمن
واسمح لي مرّه أسألك
هيّ بهيّــه رايحه فين ..؟
هيّ بهيّـه رايحه فييين .؟
......
| |
|
