admin
Admin
عدد المساهمات : 2444
تاريخ التسجيل : 12/06/2009
 |  موضوع: أنا معايا الفلوس بالكوم .. ضياء الدين البري  الجمعة نوفمبر 09, 2012 2:52 pm | |
|
السلام عليكم .. كلام من قلبي
احمد مصطفي البري كتب :
أنا معايا الفلوس بالكوم
…
ف يوم خبّط غريب ع الدار
وقال ممكن تشجّعني
وتتـْفضّل وتسمعني
أنا فْ طولك
أنا فْ عرضك
أنا جاي لك توجّهني
تعلّمني ، وتقبلني
أكون تلميذ في مدرستك
عشان ابقي وليد فنـّـك
أكون نجم فْ سما ليلي
أسوق مركب ..
أبيع أشعار ..
بطل جاهزعلي المضمار
عشان اسبق ولاد جيلي
وكل الناس تشاور لي
تناديلي
ويعشقني كبار وصغار
ويتهافتوا علي إسمي
ويتسابقوا علي رسمي
أكون فنّان ، وناس تهواه
سألته إيه مدي علمك ..؟
وخبراتك ، وموهبتك
ومين قالك هنا تجيلي.؟
سمعته بسرعه يلحقني
بأي كلام ملوش معني
لاهو أشعار ، ولا مغني
يغطـّسني فْ أعالي بحار
وسكّـني القصور والغار
وقوّمني علي حيلي
وقعّـدني كإني فْ بار
سمعته فْ لحظه بيقوللي
أنا معايا الفلوس بالكوم
وبرضه لسّه بنعللي
رصيدي في البنوك برّه
ولسّـه ياما في الجرّه
وراسي بالمزاج مزحوم
محيت الأصل من جدره
أحب الدنيا والشهره
تاريخ الأمس بالمرّه
دفنته فْ قبر سرّه معاه
وفي امبارح نسيت معناه
حاولت اسمع كلام يغري
وشخصيّـه تشجعْـني
بصيص تافه لنور في نـْهار
عشان ابدأ بعنواني
لقيت فجأه فرغ صبري
ودخانه عما ليلي
وعلّـقني فْ سواقي الزّار
وشوفت الصدمه جيّـاني
من اللي سمعته ياويلي
لقيت نفسي قوام باجري
مسك راسي صداع م الوَش
لحقت اوْصل لحوض الوِش
رجعت اسأل ، قالولي غار
كسرت الزِّير ، وقلـّه وراااه
…. | |
|
