بيصنّـفونا احنا العصاه .. ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. كلام من قلبي
أحمد مصطفي البري كتب

بيصنّـفونا احنا العصاه
...

رغم الصعوبه في الحياه
فيه ناس كتير من وسطنا
الله فْ علاه
كانوا الغلابه ومنّـنا
فجأه بدون مُـقدّمات
الفقر ودّعهم ساعات ..
داسوا علي كل القيم
باعوا اللي فات
إتنكّروا للأمهات
دايما يحاربوا فْ حلمنا
بيخرّبوا كل الذمم
وبْـفعلهم يعصوا الإله
بيصنّـفونا احنا العصاه
إحنا الرّعاه
وبيزرعوا حقد ولغم
ناويين يتاجروا بدمّنا
بيوزّعوا غل وحمم
وفْ عُرْفهم
هـُمّ الكبار واحنا الحفاه
زرعوا الفتن وفْ عرفهم
إحنا الجناه
حرام نقول من حقنا .؟
حلال نعيش احنا العراه .؟
حاكموا الأصول من غير تهم
من قلبهم
بيهددوا أهل وْقمم
حتي المشايخ والولاه
بيسلموش من نقدهم
من ظلمهم
فاكرين بإن القرشنات
هاتدوم سنين حتي الممات
نسيوا الضمير من غير ندم
ويجوّعوا ف خلق الله .؟

.....

» وليـــــــــه الحب من تاني... أحمد مصطفي البري ( ضياء الدين البري )
» ورجّـع قلبي ياشاطر .. احمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )
» ياااااااااااااااأمتي ....ضياء الدين البري