عايز تبقي رئيس الدّوله .. ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. كلام من قلبي
أحمد مصطفي البري كتب :

عايز تبقي رئيس الدّوله
...

عايز تبقي زعيم للأمّـه
يبقي تـْقدم إقرار ذمّـه
تحْلف إنّـك بتخاف ربّـك
تنـْصر نبض الحق بهمّـه

**
عايز تبقي رئيس للشّعب
يبقي تـْحمّـل سهل وصعب
جهـّز نفسك تخدم شعبك
نبضة قلبك تزرع حب
**
عايز توصل كرسي السّـُلـْطه
إوعاك ترسم بكره أونطه
وتكون ناوي تْحصّن نفسك
غيرك جرّب نفـْس الغلطه
**
عايز تبقي النسر المصري
خليك راجل وطني ودُغـْري
إوعي الغوله تْـقرب منـّك
خلـّت غيرك يسقط بدري
**
عايز تبقي النـّجم الأوّل
إوعاك تنوي تـْزيد وتـْطوّل
تخدم شلّـه وتظـْلم أهلك
يخـْرب بيتك وانته تـْـليّـل
**
عايز تبقي سعادة الريّس
طيب فكـّر تاني كـْويّـس
إوعي تـْبدد ثروة أمّـك
أو تتمني وريث يتأسّـس
**
عايز تبقي رئيس للدوله
طهـّر قلبك وابدأ جوله
إبعد زوجتك أدّب إبنك
إوعاك تقرص زهر الطاوله
**
عايز تلبس توب الريّـس
إوعاك تزعل مرّه وتحبس
أو تتعمّـد تهمل شعبك
تغضب تضرب أو تتمريس

...

» ورجّـع قلبي ياشاطر .. احمد مصطفي البري ( ضياء الدين البري )
» وليـــــــــه الحب من تاني... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )
» ياااااااااااااااأمتي ....ضياء الدين البري