admin Admin
عدد المساهمات : 2444 تاريخ التسجيل : 12/06/2009
| موضوع: يااااذكري عاميــه .. ضياء الدين البري الجمعة نوفمبر 09, 2012 3:40 pm | |
|
السلام عليكم .. كلام من قلبي أحمد مصطفي البري كتب : يااااذكري عاميــه .....
يااااذكري عاميه يازرعه فْ قلبي نار حاميه ياشقـّه صفوفنا من يومك يامحتـلّـه ومختـلّـه ياعار مرسوم علي جبيني وفي قلوبنا يعيش علّّه ياحابسه الدّم جوّانا ياعضة كلبه سعرانه تسمّم كل بنياني في نن العين قسمتيني بقيت نصّين بدون عناوين ومرمطتي التاريخ في الطين ياشاطبه وجودي من نفسي حاولتي تْزيدي من يأسي ومن بؤسك .. بنار يأسك .. غزلتي خيوط محاوطاني وسجناني في أوطاني ياعمياني بْسواد ليلك وحكماني بْـقيود ويلك وفي عْـيوني ، زرعتي غيوم وفي جْـفوني ، طرحتي سموم تسرطنّي في مجري الدم ياموشومه علي سنيني وسكناني في نبض القلب ياجلابـْة الهموم والغم ملكتينا وْطفحنا الهم في جوّاتنا كما الشاردين ياشنّاقه فْ ولاد العم ياقبّـاحه وكلّك ظـلم سجنتينا وقيدك صلب زرعتي لـْـنا شوية لم بتسقي ايّامنا مر وحار ومن غلّك ، هدمتي الدّار ومن يومك ، حكمْـنا الغلب محدد فين زنازيني وقبرالليل يتاويني مقيـّدني في أسفل غار يا أحقر طيف في أطهر أرض يادبّاحة الجنين والعرض وجودك زييف وفي حدودك ، يتوه الفرض ودايما كنت انا باسأل عرفت انّه شيطان أهبل وعد بيكي .. ونفـّذ أمر تكوينك وفارضينك بدم جدودنا يسْقوكي وصاينينـك ونبتاتك بتأذيني صحيح الحق في بنودك مالوهش مآل رجوع لاجيء وإخوانه .! مافيهش منال دا بَعد الغربه والترحال أكيد هايعود لأوطانه وهاتدّوقي المرار ألوان يابنت الغوله والرعيان ولو صدفه وجالهم يوم .. وفهموا الأصل في المعني هيلقوا الإسم بيأكـّد بإن انتي ، غبار يصعد شيطان يهمد ونار تخمد يامفضوحه في كل أوان ياريت غولتك ، بتسمعنا أكيد صورتك ، بتوجعنا جايلك ليل ، ملوهْـش نْهار وكل الخلق هاتزفـّك ويتسابقوا علي ذُلـّك لو الأمه في يوم هبّـت هتلقي ولاد هنا شبّت قلوب تسكن نسا ورجال ورب القدس بيصونها وصورة الأقصي في عيونها ومتحدّد في يوم طردك دا كل الدنيا تشهدلك بإن انتي ، بقيتي زوال ولا وجودك هنا يطـوّل ولاهافضل ، بطول عمري أكون راجل ، في توب عيّـل أشيل ذلّي علي ضهري لأن انتي فْ ضميري خيال ورب العزّه جلّ علاه هايرزقنا بناس خايفاه وبكره الكل يتـْحوّل بأمرالمولي هانفـُضـْك هانسجن فيك ، روح غلّـك وهانذلّـك وهانحاسبك علي غرورك وهابدرغلّي في حروفك عشان يطرح بذور خوفك لأن إنتي ياقاسيه بطول العمر شايلك عار وبكره تشوفي ياعاصيه هانقضي ازاي علي وجودك وراية الحق فوق عاليه هانرفعها بسُنـّه وفرض علي الأقصي وتبقي منار ..... | |
|