admin
Admin
عدد المساهمات : 2444
تاريخ التسجيل : 12/06/2009
 |  موضوع: ضحكة شهيد جوّا الضّلوع .. ضياء الدين البري  الجمعة نوفمبر 09, 2012 3:42 pm | |
|
السلام عليكم .. كلام من قلبي
أحمد مصطفي البري كتب :
ضحكة شهيد جوّا الضّلوع
....
من سنين
القلب كان ساكِن هنا
عايش حزين
يصبر وحابس دمعته
منـّي أنا
ولأن دا حكم القدر
حاولت اهدّي كام سنه
حاسس مقـدَّر لهفته
كان العتاب ، مر بحَنين
والآه بتحكم نبضنا
تطرح أنين
جوّانا يحرق دمّـنا
جوّا القلوب ، صبر بيقين
يزعق ينادي بأعلي صوت
إسمعني ياكل البشر
عايزين نحرّر نفسنا
مهما النتيجة تكون خطر
نحكي نفضفض أو نموت
النخوه هـِرْبت منّـنا
داخت وساكنه جوّا غار
نامت في بير مالوش قرار
تاهت من الظـّلم الحروف
واتبعزقت جوّا المدار
العقل تاه
من قهرته عمّـال يطوف
سكران ودايخ م الوعود
وكفايه إن الصهد نار
يحرق حيتان جوّا البحار
خايف ياقلبي يجيك شرار
أو تنسجن باسم الجنون
أو يندفن جوّاك نهار
أو تبقي أنثي ومستعار
***
قولت الكلام بريحته خوف
كتير ياقلبي كات ظنون
جوّاك وعايشه بدون شهود
رغم الظروف
الدمعه هربت م الجفون
طفشت وشارده هي فين..؟
طول عمري عايش باسْمعك
حتي ان كدبت بصدّقك
اسمح لي مرة أنصحك
حتي ان خطيت برّا الحدود
مش هاجي مرّه أمنعك
ولو طفيت ضي الشموع
فْ لحظه قام
قلبي وودّع رقدته
ويّا الشباب هدّ السدود
من فرحته
خضّر قلوبنا بالدّموع
ضحكة شهيد جوّا الضّلوع
ندهت لكل المخلصين
وبأمر رب العالمين
خلّص عباده بقدرته
حرّر بهيّه م القُيود
رجّع لنا مجد الجدود
سطّر تاريخ يملا الوجود
.... | |
|
