admin Admin
عدد المساهمات : 2444 تاريخ التسجيل : 12/06/2009
| موضوع: الشمس نـاويه ع الرحيــل .. ضياء الدين البري الجمعة نوفمبر 09, 2012 4:26 pm | |
|
السلام عليكم .. كلام من قلبي أحمد مصطفي البري كتب : الشمس نـاويه ع الرحيــل ......
القلب جوّا الشرنقه عايش في حضن المستحيل لسّاه عليل وسط الدمار سكناه دموع تطرح عويل يادي الزمان ارحل بقي خللينا نرسي ع الدليل إن كنا من أهل الديار أو جم جدودنا رحّالين عايشين نفكر في انتظار عقولنا عايشه مبعزقه محتاره توزن بين نارين إما تعيش ساكت ذليل ياتروح تموت في أي غار وكفايه عشت فْ دفلقه مرت عليك طول السنين يظهر نسيت تبقي انت مين انت اللي جيت ومعاك شقا جاي ف زمن كله انهيار توهنا حياره نهار وليل وبطون جعانه تروح لمين عيون سكاره مبحلقه حتي الجنين ، عايش حزين مسكين وعايش في انكسار خايف يكون حظه قليل ويعيش حياه ذل ومرار يلبس قضيه ملفقة يتمني لو يفضل سجين جوّ الرّحم هايعيش أمين وحياته تبقي مزوّقه من غير مذلّه أو أنين ياخلق قولوا إحنا مين.؟ خلليتوا حالنا فْ مزْنقه حتي الطيور صابها السعار م الجوع ونسْيت زقزقه الشمس ناويه ع الرحيل في الغربه عايشه موفّقه حتي الشيطان بلّغ فرار من كتر حبسه في الكمين وكفايه إن الليل طويل ممكن تكون وطني وْ أمين والتهمه جاهزه مزوّقه بسرعه تسكن في الكرار يشهد عليك واحد عليل وجماعة تانيه كدّابين تشهد تجيلك مشنقه ولإمتي ينْسونا الكبار وناس ما بتردش جميل رب العباد ناصر معين قادر كريم يخلق نهار يرد حق المظلومين يحمينا من شر الدّوار ينصف عباده المخلصين ........ | |
|