الله يعوّض من صبر .. ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. كلام من قلبي
أحمد مصطفي البري كتب :

الله يعوّض من صبر
.....

ومّا الملك
طبّ وْعرج ، جوّا الشرك
عرش الطاووس ، كلّه ارتبك
من فزعته
صعبان عليه من عزوته
هانت عليهم عزّته
وفْ أزمته
ضحكوا عليه وغيّبوه
من بؤس حاله ورّطوه
وسكّنوه جوّا الدرك
فيلـُه وْحصانـُه وطابْـيته
راحت عليهم عجّـزوا
يتمنوا ترجع سلطته
وشاف بطانته اتغمزوا
عشان مصالح أهلهم
طول عمره يحمل همّهم
من غير تأنّي أو كدر
صدّق كتير من كدبهم
وكان يدافع عنّـهم
وفْ لحظه حسّوا بالخطر
لمّا الزّعيم كش وبرك
حاوْلوا يداووا علّته
الصحه برضو تهمّهم
ومّا هايفضل حضرته
يمكن يخفف م الضرر
فاكرين بإن الهرجله
ماشيه بْـإشاره منّهم
والساحه لسّه فْ قبضته
مايهمهم رأي البشر
ومّا لاقوه شبه انكسر
نسيوا ساعتها المرجله
ولمّا حسّوا بأخرته
بيْْفكروا يتعززوا
عايزين ينجّوا نفْسهم
م اللي يجيهم لو مَلـَك
تشويره منّه تلمّهم
حاولوا كتير يضللوه
ويْأكدوا بإنهم من حاشيته
وحبّه حبّه يقنعوه
ويجرّدوه من سلطته
ناسيين بإن المسأله
ماشيه بْقدر
والدنيا كسبت ودّهم
تاهوا ونسيوا ربّهم
داللي بيطلب نصرته
يعمل لقبره وآخرته
من حق إبنه يفتخر
الله يعوض من صبر
علي كل آلـُه وصُحبته
...

» ورجّـع قلبي ياشاطر .. احمد مصطفي البري ( ضياء الدين البري )
» وليـــــــــه الحب من تاني... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )
» ياااااااااااااااأمتي ....ضياء الدين البري