admin
Admin
عدد المساهمات : 2444
تاريخ التسجيل : 12/06/2009
 |  موضوع: هيّا نْقوموا نصلي الفرض .. ضياء الدين البري  الجمعة نوفمبر 09, 2012 6:07 pm | |
|
السلام عليكم .. كلام من قلبي
أحمد مصطفي البري كتب :
هيّا نْقوموا نصلي الفرض
....
ومّا قالولنا فيه مُخْـتل
جه سهّانا ونهب الأرض
كنّا ساعتها ياناس نايمين
كان فيه عرس ، حضره الكل
من ناحيتنا فات بالعرض
جاب رجالته وراح محتل
قولنا هانصبر
جاي يتفسح
حَبَّـه يهزر
مش هاندقق
وبطبعيتنا مش فاضيين
بكره هاترزق
ياللا معانا ليلتكم فل
هيّا نقوموا نصلي الفرض
مش ناقصين
من لحظتها نْسينا اخوانّا
تاهوا فْ وسط الزحمة سنين
ولا علي بالنا
طمْعوا لمّا لقونا ِبعـِدنا
بدءوا يعـدُّوا كل العِـدَّة
جم أخدوها ، فاضية وسهله
واحنا اترينا كنّا في غفلة
ومّا شفونا ساعتها قـْبِلـْنا
حطـّوا ايدهم علي أنفاسْنا
قوقنا وْقولنا فين الرحمة
قالوا وجودنا هنا مش عافيه
هيّا دي دارنا
حق جدودنا
إنتوا ضيوفنا من غير قافيه
من أيامها
غـُلبْنا مْفاوضه
حبّه سياسه شويّه مْحايله
وبطبيعتنا ناس هاديين
مش بندقـّق
وعشان خاطر نكسب جوْله
مانزعـَّـلش أخوانّا أوانطه
يزعق تجري كل حبايبه
تيجي تحقق
وتغلـَّطنا
وتهـدِّدنا
وبأموالنا وغصبن عنّا
تيجي بقـوّة تْلبّي مطالبه
بعد دا كله برضه نطبطب
زاد من ظلمـه وْراح يرعبنا
واحنا نحاول نهرب منّه
نبعد عنّه
ونقول بكره حالنا هايصعب
ويردوا لـْنا كل حقوقنا
حد يصدّق ..؟
... | |
|
