admin
Admin
عدد المساهمات : 2444
تاريخ التسجيل : 12/06/2009
 |  موضوع: وبحلم بيك قصاد عيني .. ضياء الدين البري  الجمعة نوفمبر 09, 2012 6:22 pm | |
|
السلام عليكم .. كلام من قلبي
أحمد مصطفي البري كتب :
وبحلم بيك قصاد عيني
....
عيون الحب وخداني
بشوق وحنين
بتحكي حكايه جوّايا
بقالها سنين
أعيشها وانت ويّايا
وكل الدنيا شايفاني
وسامعاني
وانت برضه تنساني.؟
ودقة قلبي تهجرني
تسهّيني
بتهرب منّي وتجيلك
وهمسك ليه يجافيني.؟
بيهجرني
وبيسيبني
أدوق مرّك ونبضي حزين
وطيفك ليه بيهملني .؟
كتير باشتاق له واسْتنّاه
يصون الود ويجيني
ونفسي القاه
هنا جانبي
أشوف رسمك علي جبينه
يطمنّي علي قلبي
وأسرح حبّه في عيونه
تنسيني ، أهات وأنين
كتير دمعي ينادي عليك
وبحلم بيك قصاد عيني
وأتمنّي ..
نعيش قلبين
كما كُنـّا
تطوف النسمه جوّانا
أشوف الهمسه جيّـانا
وتجمعنا
تبات الفرحه في عيونّا
ترّجع نبض لقْلوبنا
تهنّينا
تعوّضنا سنين فايتين
حنان قلبك ، يعطرْني
ينسّيني
في طول بُعْدك ، يصبّرني
ينوّر لي قناديلك
ونبض القلب يحضنّا
يدفّينا
ودلوقتي
لقيت حيرتي
تخيـّرني
مابين اسكت وفيّا الآه
واللا ابكي ، بدمع العين
... | |
|
