admin
Admin
عدد المساهمات : 2444
تاريخ التسجيل : 12/06/2009
 |  موضوع: مرّة قابلني شيطان وندهْلي .. ضياء الدين البري  الجمعة نوفمبر 09, 2012 6:23 pm | |
|
السلام عليكم .. كلام من قلبي
أحمد مصطفي البري كتب :
مرّة قابلني شيطان وندهْلي
.....
مرّة قابلني شيطان وندهلي
إتأخرت شويه فْ حيره
دوقت الخوف..
إتسمرت شويّه مكاني
توهت دقيقه لحد ماشوف
قلبي ساعتها كان مخطوف
ومّا سألته ..
ليه تناديني ..؟
هوَّ انا صاحبك ..؟
رد وقاللي ، جرّب شوف
نفسي أصاحبك
أفضل جانبك
يوم تحتاج لي راح تلاقيني
واقدر انفــَّذ كل أوامرك
ممكن اساعدك ، تعلا وتكْبر
وفْ دنْياتك تنهي وتؤمر
تزرع عزوة فْ كل ملاعبك
تطرح كل جناينك خوف
تقدر تقلع كل عداوتك
ونخطط لك ..
تبني صفوف ..
تجمع جوّا قلوبها قساوتك
وقت الأزمة تبقي تشوف
طـوَّل بالك
شوف تفانيني
إن ملاقيـتشي كل سعادتك
إبقي جافيني
وان مابقيتشي سر فخامتك
إبقي خاصمني
إبعد عني وابقي عاديني
أصل الكون ده انا عامله كهوف
عارفه وشايفه كله بْعيني
عندي زباين جايَّة بواسطة
قولت له لحظه ..
رُدْ عليّا وافهم مني
عمّال تسرح بيَّ وترْطن
فكرك تقدر تاكل عقلي
لحظة ولاقي نفسي فْ ورطة .؟
إنت أذيه وندل مْشيْطن
بعد دا كله ، مش مكسوف.؟
ممكن تاني أسمع منَّـك
متهيأ لك
تقـْرب مني ونبقي اصحاب .؟
أخسر نفسي ..
وتخسّرني الآخرة أوانطة .؟
والله دي تبقي أكبر غلطة
أصل الدنيا مش لهْياني
عايش راضي بروح عاجباني
أحمد ربي
واتمني لك تبعد عني
قبل ماتبقي مسْخة أهلك
وان ما بعدتش ، جرّب شوف
... | |
|
