admin
Admin
عدد المساهمات : 2444
تاريخ التسجيل : 12/06/2009
 |  موضوع: صرخة رضيع يرحمهــا مين ..؟ .. ضياء الدين البري  الجمعة نوفمبر 09, 2012 6:25 pm | |
|
السلام عليكم .. كلام من قلبي
أحمد مصطفي البري كتب :
صرخة رضيع يرحمهــا مين ..؟
...
لو تفتكر
أيام ماكنّا صغيّرين
عشْنا السنين
راضيين بحكم المقتدر
يلهمنا نبض العرقانين
رغم القليّـل ، قنعانين
كان الزّمن ، الله عليه
تاريخ ولازم نذكروه
مسلم مسيحي موحّدين
نبض الوطن بيمجّدوه
يجمعنا هم المقهورني
وع الحياه ربّك مُعين
القدوه يحكمها الضمير
بيْعلّمونا الخير منين
في قلوبنا دايما يزرعوه
الشر ما احْتجنا اليه
إن كان بقصد أو بغير
كات الحياه ، شمس وقمر
بتشيل هموم الشقيانين
أهل الشّهامه والأصاله الطيبين
ترسم علي جْبينهم حنين
حتي الأنين
كان شيء يهون
دايسين علي همْ السنين
وجوّا ليلهم يحبسوه
ساجنينه متربّط إيديه
بعد الأذان بيأدّبوه
أطرش ومتْخزّق عنيه
راضيين بقسمة ربنا وْكله بْقدر
وكان ابويا زي ابوك
شجيع وطالع ابن ابوه
وعلّموك
إزاي يكون نبضك شرر
علي كل من خان الوطن
وكل من زرع المحن
وبعزّة الشّهم الفقير
وبصرخة المجد الحزين
صحيت قلوب المجروحين
من ربّنا طلبوا المدد
ع اللي جرحنا بقسوته
واللي عدانا بشلّته
ولسانه أطول من إيديه
جوّا الحديد ونيّموه
من غير أذيّه أو ضرر
بطانته فاسده وْمكروهين
حيتان بتنهب في البلد
تهرب أوام وقت الخطر
وعيّشونّا فْ حاله طين
وجوّعونّا بالروتين
مشْرط يشرّح في البشر
ولاد بهيّه الطيّبين
أهل المروءه المخدوعين
ضاعت حياتهم في الحفـر
حتي الصفيح ، م الجوع باعوه
صرخة رضيع يرحمها مين
جوّا البطون الجوع كفـر
بالمختصر...
عاوزين نقول الحَقْ فين
واللي يضيّع حق اخوه
من غير مقاوْحه يجنّبوه
عشان صحيح نبقي بشر
...
| |
|
