امتنا لييييييييه... نفسي اتكلم ...بتهون الدنيا عليَّ

أمِّتنا لييييه

أمِّتنا ليه مُستَسلِمَه
عن الزَّعامَه اتغيبت
سايبين لغيرنا الفتونه
شطَّار ودايما نِفتِخِر
ونِتنِفِخ علي بَعضِنا
ودينَّا قِبلَة ومسبحه
لِكُل ملَّه وكل دين
أجدادنا عِرفوا عننا
امتَه وفين
بِِيِعفُوا امتَه
وِيعادوا مِين
والظُّروف علي مرالسِّنين
كانت بتهِم شعبنا
كلمتنا سبقت فعلنا
والخيبه دايما متفرقه
والمحبه عن الاحبه
متسممه متبعزقه
والحيتان ناحيتنا بصَّه
وعنيها لينا مبحلقه
مستنيين ومصَحصَحِين
وف لحظه تهجم وتلمنا
يارب فرَّج عننا
يسرلنا كل الهموم
يارازق الطير في السَّما
وسط الغيوم
عبدك بيتمني الرضا
واجمع يارب شملنا
اشكركم

,,,,,,,,,,,,,,

نفسي اتكلم

ونفسي اتكلم
ودايما باسمع
وباحب اتعلم
ايام في الدنيا
ماهياش دايمه
غرقانه وعايمه
والعمر قصير
والقبر صغير
وياريت نتعلم

باشوف الجهل
في طبع لئيم
مهفوف العقل
والفكرعقيم
دا الريش
في مهب الريح
بيطير مايجيش
والقلب جريح
وف حبه صريح
مابيعجنيش
وياريت يتعلم

دايما باتكلم بصراحه
وبقول الحق ببجاحه
واخاف من ربي
هو اللي عالم بي
في كل وقت وزمن
والاقي صد ومحن
ومين يفارقني
ونفسه يغرقني
واللي يخاصم
واللي يهاجم
من غير سبب
باشوف العجب
هامسك في الحق
مهما اسيت
واللا تعبت
اواتشنقت
شنق
مايهمنيش الخلق
وشهادة الحق
زهد
ومن السنن

.............

بتهون الدنيا عليَّ

بتهون الدنيا علي
بتكون عريانه
اومتغطيه
هي زي ماهي
مابتفرقشي
ولا تلزمشي
والنفس غنيه
ومستغنيه
عن كل شر
او اي ازيه
ومستنيه
رحمة ربي
في كل اوان
ويغفر ذنبي
سبحانه الحنان
ويحفظ لي
نعمة عقلي
من الحيره
وشرالنسيان
يتوب علي
من كل صغيره
واي كبيره
ولحظة عصيان
ويداوي جروحي
سبحانه
دايما بناجيه
يقبض روحي
وانا بين اياديه

اتمني ان اجد تعليق , نقد , توجيه

ولكم كل الشكر والتقدير

» ............با شوف الدنيا ف عنيكي
» ........باشوف الدنيا منحوسه.. ورابط المنتدي