admin
Admin
عدد المساهمات : 2444
تاريخ التسجيل : 12/06/2009
 |  موضوع: ...........تعالوا نقوموا نصلي الفرض  الإثنين أكتوبر 26, 2009 3:18 pm | |
| السلام عليكم .. مجرد رأي
احترامي وتقديري
تعالوا نقوموا نصلي الفرض
..........
لما قالولنا فيه محتل
جه سهـَّـانا وأخذ الأرض
وكنا ساعتها ياناس نايمين
كان فيه عرس
وحضره الكل
من ناحيتنا فات بالعرض
جاب رجالته وراح محتل
قلنا بسيطه
طوِّلـوا بالكوا
جاي يتفسح
شويــّه يهزر
واحنا هانصبر
ياللا معانا ليلتكم فل
تعالوا نقوموا نصلي الفرض
راحوا يصلوا ونسيوا اخوانا
تاهوا ف وسط الزحمة سنين
طمعوا لما شفونا قـِبلنا
خططوا لما لقونا ِبعـِدنا
ولما لقوها فاضية وسهله
بدءوا وعـدُّوا كل العِـدَّة
واحنا اترينا كنا في غفلة
حطوا ايدهم علي انفاسنا
جينا نقول ياخونا الرحمة
قالوا وجودنا هنا مش عافيه
هي دي دارنا
حق جدودنا
وانتوا ضيوفنا من غير قافيه
من أيامها
غلبنا مفاوضه
حبه سياسه شويه محايله
وبطبيعتنا ناس هاديين
علشان خاطر نكسب جوله
مانزعـَّـلشي أخـُونا أونطه
يزعق تجري علينا حبايبه
وتغلـَّطنا
وتهـدِّدنا
وبأموالنا وغصب ن عنا
تيجي بقـوة تـوسَّع أرضه
واحنا كمان محناش ناقصين
بعد شويه
ِفرْغـِت عينـُه
زوِّد أرضه من بلدين
وبرضه سكتنا
واستسلمنا
حب يصيـِّف
شاف في التالته شط وعَاجَبـُه
وقال ع الرابعه
هيَّ حمايه لكل حدودنا
نقوي وجودنا
وكله هايخضع
من غير ما اغضب
كل دا برضه واحنا نطبطب
زوِّد ظلمــه وراح يرعبنا
ونحاول نهرب
ونقول بكره حالنا هايصعب
ويردولنا كل حقوقنا
فبلاش نغلَب
والله هانتعب
ضحكوا علينا
زرعوا فتيل الفتنه مابينا
صدقناها
وكبرناها
وصدرناها
وفينا العاجز واللي بيغلب
اللي يعادي واللي بينهب
واللي اتصهين جوه حدودنا
وانت يا أقصي والله حابيبنا
غالي علينا وجوه قلوبنا
مش ناسيين
بأمر الله جايين جايين
بكره هاييجي اليوم وهانغضب
وهايبعت لك ربي ملايكه
تنصر جند كتير جامدين
زي أخونا صلاح الدين
وزي ماقاموا وهبُّـوا جنودنا
خِـيرْ أجناد الارض بهـِمَّـه
وكانت والله ف لحظة مهمة
هجموا وكانوا ناس صايمين
شاركوا جنود الله ونصرنا
نصر الخالق نصر مبين
خدنا بتارنا
من اعداءنا
شله صهاينه ومالهم دين
والله يامصر انت الباقيه
شايله الهم وفيه قاسيين
يقسوا عليك
يخططوا ليك
ويحطوك في صورة رضيـّه
رغم القسوة شاليه الأزمة
والتجميع لصفوفهم غالبه
والتوفيق في مابينهم صعبه
برضه هاتبقي الست بهيه
وكل حبايبك دول راجعين
طالبين ودك
سامعين ليك
مهما اختلفوا دول راضيين
ياخدوا برأيك
أصل قيادتك فكر وحكمة
في وقت الازمة
بنشوف شعبك أصل ودين
حابين وطنك
مهما يكونوا أكيــد قاسيين
أشكركم
وللجميع تحياتي | |
|
