السلام عليكم .. مجرد رأي
احترامي وتقديري
إلحــق توبــه قبــل ممــات
.....
أنا واد عاجب نفسه وهات
شعر كنيش وشويه بنات
أصل دي حلوه
ودي شربات
هاخرج واسمع احلي اهات
وانسي الدنيا
والكلية
ولامستقبل ولا متهات
أصل انا شايف
نفسي وخايف
عمري يفوتني
ويسهيني
ويعيـّشني ف الظلمات
برضه أنا عاقل
غاوي مسائل
أدخل سيما والعب شات
أفضل ادعبس وابدأ افاصل
واسهر ليلي وسط بنات
ارقص بيها
اغني عليها
ليله تعدي ولا اسأل فيها
ولايلزم شغل الديانات
دنيا هنيه وعايش ليها
أسعد قلبي وانسي ما فات
حلوه تشاور أجري وراها
شرط أساسي تكون نسمات
وتكون جايبه فلوس ويّّـاها
تصرف هــيَّ ماتقول هات
أصل شيطانه كان ويَّــاه
عاش وسواسه ضل وتاه
جاب دستور الشر أيات
حتي حنان الأُم رماه
نسي للأب كتير دعوات
عايش ليلـُه أسير لهواه
ولا فكرْشي يزور أخوات
يابني كفايه ظلم لنفسك
إلحق توبه قبل ممات
انت أساوتك ضلت قلبك
حبيت ليفي .. روحت لكات
بعت اخوالك ونسيت عمك
سوقت جنانك عمرك فات
فجأة لقيت نفسك توهان
عقلك ضل ونبضك مات
آدي نتيجة كل عمايلك
سبحان ربك أكد ها لك
بيّنها لك بالبرهان
فجـأه زعقت بصوت وآهات
جيت ومعاك شلة أصوات
سِمْعـِتْ أُمك صوت إنسان
ندهـِت قالت بسم الله
قومت وهمك تحمد ربك
تقرا في سرك بضع آيات
تطلب دايما يصرف همك
إشكر ربك جل علاه
فرحة قلبك إن جِـنانك
كان ف الحلم
وعشته ساعات
حصَّـن نفسك قبل شيطانك
مايخطط لك فين خطوات
إدعي لربك يغفر ذنبك
إوعاك تغفل أوتنساه
دايما تطلب نصرة أمك
أم الدنيا وخيرها عليك
وبعيد عنها مابتلقاه
اشكركم
وللجميع تحياتي
موضوع: .........إلحــق توبــه قبــل ممــات 
الإثنين نوفمبر 23, 2009 11:15 pm
