admin
Admin
عدد المساهمات : 2444
تاريخ التسجيل : 12/06/2009
 |  موضوع: فيه ناس حياتهم صواريخ ........والتعليقات عليها  الخميس سبتمبر 03, 2009 2:25 am | |
| من طرف ضياء الدين البري في السبت أغسطس 29, 2009 1:36 am
السلام عليكم .. مجرد رأي
احترامي وتقديري
.........
ناس حياتهم صواريخْ
........
فيه ناس , حياتهم صواريخ
عايْشينْ الدنيا بدون تواريخ
ماشيين .. مساكين
ماسكين في إديهم قلع وريح
فـُسْحتهم , ليله ف حضن ضريح
عايشين .. تايْهِينْ
أيام وليالي بدون عناوين
ناسيين أخرتهم رايحة لفين
نازلين .. طالعين
راكبين رجليهم ماشيه ف طين
دايخين ع اللقمه ومش لاقيين
نايمين .. شاكرين
وليلاتي الحلم يكون تفاريح
شايفين علي بعد , نور مصابيح
رايحين .. جاريين
يفتكرو خلاص ِطلْعو المريخ
وهياكلوعصير .. وشْرَبُو بطيخ
شايفين ؟ .. وبعديين ؟
لو كنا ياناس ع الخير ناويين
تعالو ننسي سنين مجاريح
خلونا نفكر إيه عايزين
نحلم تاني بدون تصاريح
ِنفـُوتْ الظلم لِناس تانيين
شويَّه ِنعاني , تِعدِّي الريح
أكيد يحاربنا ناس مجانين
نملك قوتنا , قرارنا صريح
وبقوِّتنا نعيش , وافقين , ثابتين
الهيبه هاترجع تاني صحيح
هايعيش ويَّانا صلاح الدين
مش هيفكر حد يعادي , لو تلميح
أشكركم
وللجميع تحياتي
كلام من قلبي
كام حرف يبقوا كلمه
والكلمه تبني أو تهد
والوطن شمسه نعمه
فيه نهرب وجواه نمد
ضياء الدين البري
........
شكر وتقدير
من طرف ضياء الدين البري في السبت أغسطس 29, 2009 3:41 am
هناء سعيد كتب:
يسعدنى ان اكون صاحبة المرور الاول هنا
دمت ودام ابداعك
تقبل مرورى ومودتى
السلام عليكم .. مجرد رأي
الشاعرة / هناء
احترامي وتقيري
وسعادتي لاتوصف لتشريفك صفحتي
ومرورك علي كلماتي
فهذا فال طيب ,
واتمني ان تعلقي علي كلماتي
وعلي مافيها من نقاط ضعف
اود ان اقرا تعليقك الصريح
بارك الله فيك
واشكرك استاذه هناء
وللجميع تحياتي
.........
احترام وتقدير
من طرف ضياء الدين البري في الأحد أغسطس 30, 2009 3:54 am
عاطف الجندى كتب:
أن يحس الأنسان بمشاكل غيره
فهذا جميل
و ان يكتب عنها فذلك شىء رائع
و من هنا كان اسم الشاعر الذى يحس بمشاكل غيره
و يسطرها فى لوحات ترسم بالكلمات
جميل ما أبدعت يداك هنا
أخى ضياء
السلام عليكم .. مجرد رأي
الأستاذ الفاضل ..
الشاعر الانسان / عاطف
احترامي وتقديري
والاجمل انني اقر واعترف أن هذا المنتدي ومن به
الكوكبه الرائعة لهو صاحب افضال بعد ربي سبحانه وتعالي
في ما وصلت اليه ,
اقر بانني بدات هنا , واستفدت من هنا ,
وان شاء الله تتحملوني هنا , ومحدش يزهق مني
ومن عرض كلماتي هنا , فالبعد عنكم بقي مستحيل
أستاذ / عاطف
لك كل التقدير والاحترام
واشكرك علي اهتمامك بكلماتي
وللجميع احترامي وتقديري
........
من طرف ضياء الدين البري في الأحد أغسطس 30, 2009 4:05 am
الشاعرة عزة الزرقانى كتب:
كل كلامك هنا على حق
كلمة تسلم بيهاأحق
شاعر واعر جد الجد
حد يقاوح ويقول لأ
السلام عليكم .. مجرد راي
الاستاذة الشاعرة / عزة
احترامي وتقديري
بالله عليك .... وبذمتك
هوَّ انا قد ..... قافيتك
طولي بالك ,صُنِّي شويه
نفسي ف شربه من قربتك
اشكرك استاذه / عزة
علي اهتمامك بكلماتي
وللجميع احترامي وتقديري
............
احترام وتقدير
من طرف ضياء الدين البري في الأحد أغسطس 30, 2009 4:40 am
عادل عوض سند كتب:
الاستاذ الشاعر
ضياء الدين
هذا العمل من اعمالك والتى تتميّز بالصدق
فكتبتها صدقاّ فوصلت الينا بهذا الصدق
معالجه لوضع لا نحسد عليه ولنا الله
كل التوفيق اخى ضياء
مع خالص تمنياتى بالتقدم ...
السلام عليكم .. مجرد رأي
الاستاذ الفاضل ..
الشاعر الرائع / عادل
احترامي وتقديري
وبصراحة انا بحاول علي قد ما اقدر
انني اكتب كلام يليق بتواضعك ,
واهتمامك بكلماتي المتواضعة
وان كنت دائما اطلب من حضرتك
ان اجد تعليق يشمل نقاط الضعف
لانني كدا كدا اتحسبت عليكم
وللان اتمني ان اكون تلميذ مجتهد
اشكرك يا استاذ عادل
وللجميع احترامي وتقديري
.......... | |
|
