اكتبي نعيك بإيدك

هتودَّعيني؟
إكتبي نعْيك بإيدك
صدقيني
انْسجي كفنك بخيطك
بعد ما تاهت معالمك
إسمعيني
قبل ما يتوَّهْ ضميرك
إحكي همك جوه قلبك
تلقي الآه , ساكنه في ليلك
صُحْبِتِكْ هِيَّ أنينك
تندهي بِعْلوْ صوتك
تصرخي وانتي في قبرك
مش هتلاقي حدْ سَامْعِكْ

هاتجيني
وفاكره إِنِّي هصدَّقك
يصْعَبْ عليَّ مَنْظِرك
تحرجيني
ولمَّا تبكي
الدموع تخوِّن عِنيَّ
تْحيَّريني
لمَّا تشْكِي
وقصتك تهَوِّن عليَّ
تِغْلبيني

جواي قلب
يمكن يعيش عمره حزين
بكاي صعب
يطرح أنين ويهون سنين
والصعب إني أودَّعك
وكفايه منِّي أنبَّهك
وكنت نفسي افوَّقك
ندهت ليكْ رغم اليقين
زرعت فيكْ ركن الحنين

وكتيرعملت إني سهيت
حبيت انوَّرْ شمعتي
وقدرت أخبِّي دمعتي
ونسيت.. لكن لقيت
من نظرة عنيك
بانت ظنونك
ظهرت عيوبك
ودَّعْتْ حيرتي للأبد
رجَّعت غيرتي ع البلد
علي دنيتي
ومن كترعقلي ماشرد
والقلب نبضه ماهمد
وبلهفتي
علي أخرتي
تبت لربي
سبحانه .. فرد وصمد


أشكركم

وللجميع تحياتي