أنــا باحــلـم ..!....ضياء الدين البري

Admin عدد المساهمات : 2444 تاريخ التسجيل : 12/06/2009

http://elgendy.forumotion.com/montada-f3/topic-t10090.htm

السلام عليكم .. مجرد رأي
احترامي وتقديري

أنــا باحــلـم ..!
.........

أنا باحلم
نكون واضحين
ياريت نسمع ونتعلـّم
ونرجع تاني لأصولنا
أصول تاهت بقالها زمان
في كل أمورنا نتصارح
تكون جانبي واشيل همك
وييجي الخل يسمعنا
ونتكلم في كل أوان
في أي مكان
ونتحاور
ويتشاور مابين أخـّين
يقرّب منّــا وانصحنا
ونتفاهم
ويحكم بينّــا أصل ودين
نعاتب بعض ونسامح
وتنسي لي
وأنسي الك
أعيش العمر اكون ضلك
ونتسامح
ونمسح غلطة امبارح
نودع قسـْوه تجرحنا
نصـون الود مابينـّا
في روحاتنا
وجيـاتنـا
وتبقي الهِـمّه فْ كل أدان
ونتذكر تاريخ جـدك
في برّانا
وجوّانا
بلاش الدنيا تخدعنا
كتير ضحكت وتمنعنا
مفيش مــرّه تقيد شمعك
وتخلص لك
بدون ماتزيد في دمع العين
وبرضه نسيبها توجعنا
تفكّـر فيّ من قلبك
ولا هاسمح في يوم ظلمك
سنين فاتت ، كتير ضعنا
وتوهنا كتير مانعرف فين
وكنت احزن علي هجرك
ونسيتنا كتير عناوين
وتاهت فينا أجيالنا
وياما شلت من همـّك
وفرْحـِت فينا أعداءنا
ياريت نقدر نكون عنوان
في أول صفحه ونـْعـلـّم
ونتكاتر ونبقي كيان
أكيد هنلاقي فـُرقتنا
تفوت منا وتنسانا
نوحّـد مرّه كلمتنا
أنسي لك جراح أمسك
وتنسي لي بنود ظلمك
تقـرّب مني كل صباح
وقـرّب لك كما الرهوان
وتتبدل هموم بـُعدك
ونطويها كما النسيان
وجوّ قلوبنا كله مباح
نشوف الدنيا طايعانا
ماهـُو احنا الأصل والبرهان
وترجع تاني أمتنا
بقــوّتها في كل مكان
وتتنـدم علي امبارح
وتنده مجد أجدادنا
هرب منا ومش ندمان
عشان احنا يدوب نملك
حدود قاسيه علي الإنسان
وزارعه البعد في عيونـّا
وطارحه الضعف في وجودنا
وتمنعنا نكون إخوان
يزيد الكره في قلوبنا
ياريت نقدر نكون سامعين
أهات الأقصي تندهنا
وإمته القدس يجمعنا
ينادي الفجر في ودانـّا
يقوللي افرح ، رِجـِع قدسك
وفجأه صحيت علي همسك
أتاري كل دا باحلم
أنا باحلم..!

........

أشكركم
وللجميع تحياتي

» ورجّـع قلبي ياشاطر .. احمد مصطفي البري ( ضياء الدين البري )
» وليـــــــــه الحب من تاني... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )
» ياااااااااااااااأمتي ....ضياء الدين البري