قصيدتي : مفتاح قلبي انا سلمتولك

Admin عدد المساهمات : 2444 تاريخ التسجيل : 12/06/2009

السلام عليكم .. مجرد رأي
كلام من قلبي
..

http://elgendy.forumotion.com/montada-f3/topic-t11014.htm#114695

مفتاح قلبي انا
سلمتولك

.......

شوفتك .. عدّيتك

بصيتلك .. ونْسيتك

بعد مجالك يوم ونسيتني

واتلفـّت فْ لحظه لقيتك

جاي تتأمل جوّا عيوني

وبتسألها مين حبّـوبك

ردوا قالولك

ياما بعدت كتير ونديتك

واستنيت كلمه فْ مكتوبك

لما لمحتك يوم صديـتني

هونت عليك

كتير وجافيتني

وطالت غيبتك

بقيت استغرب

إتحملت اللوم من قلبي

كان يعاتبني

لما يشوفني أكلم طيفك

كنت بقوله كلام يعجبني

علشان ييجي يبلّغهولك

ولما اتلهف
واجري عليك

كنت بتهرب

ويزيد غلبي

وكنت باحس انك تعاندني

بعد ماكنت خلاص حبيتك

وقلبي وحبي ملك اديك

قولت خلاص انا هانسي سنينك

وانسي طريق كنت رسمتولك

حتي جفوني

بعد ماتوهت كتير في حدودك

كتيرعاتبوني

ولما لقيتك

جاي وطالب إني أسامحك

جاي وناوي تأكد حبك

وشوفت عنيك فرحوا وندهوني

وقولت انا جيتك

عارف إني قريب من قلبك

ولْقيت حبي بان في عيونك

دقات قلبك جت تغازلني

عاكسه ظنوني

دقات قلبي قالتلي أصالحك

وقلبي ساعتها قاللي حبيبك

هوّا نصيبك

وجاي بيقولك

هاسكن قلبك

جوّا فْ قلبي نبضي يصونك

لأني خلاص دوبت وحبيتك

وهافضل احبك

مفتاح قلبي انا سلمتولك

.........

أشكركم
وللجميع تحياتي

» مفتاح قلبي انا سلمتولك .. ضياء الدين البري
» قصيدتي : بلاش تخدعني.....ضياء الدين البري
» قصيدتي : وليه ياخلق م الأول.. ضياء الدين البري
» مفتاح قلب الرجل : الشكر والاعتراف بالجميل
» بهيّه فْ قلبي مبْصومه .. ضياء الدين البري