قصيدتي : بلاش تخدعني.....ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. مجرد رأي
كلام من قلبي
..

http://elgendy.forumotion.com/montada-f3/topic-t10872.htm

بــلاش تخــداعني

.....

عايزاك تيجي فْ يوم وهاقوولك
عاللي فْ نفسي
واللي فْ قلبي
هاوضحهوولك
وهاتلقاه باين في عيوني
ساعتها يمكن ، تنسي ظنوونك
وتقول سامحييني
بعْـيون حابووني
وانسي آهاتـِك
وأي عذاب انا سببتوولك
أنا مستانـّي رهن إشارتك
لما تقولي تعالي راضيني
آجي لعاندك
وبقلبي أضمك
وانسي بعادك
دايما اشيلك جوّا جفووني

أصل بعادك ، مش في مْحالّو
حَـبّك قلبي ، وسبته فْ ذُولّو
أنا بانداهلك
واسأل طيفك
لمّا يزوورني
كتير يحكيلي ، وافضل اقووللو
هوّا حبيبي
وشكله نصيبي
بس كتيردايما يهملني
ياريته يقووللي
كل دا ليه
قلبي ياما سألني عليه
طب اقولّو انا إيه.؟
حتي عيووني
فجأه لاقيتهم بيعايرووني

أخر مرّه
وهاقولهالك
بس ياريت تقدر تسمعني
بلاش تخدعني
وتـْعيد الكرّه
وتعيشني فْ مر بعادك
أصل انا قلبي
وربي عالم بي
صعب إنه يحب بدالك
ياريت تعذرني
أصل انا خايفه
أفضل عايشه ، بنفس جريحه
ولمّا بقوولك
إسأل قلبك
ويكون ردك كلمه صريحه
مهما تكون
هاقبل ردك
وكْـفايه ظنون
روحي وقلبي بيعاتبوني
وعشان خاطرك
كله ظالمني
ومخاصمينّي
ناوين يجوا
وحاكمووني

.............

» قصيدتي : وليه ياخلق م الأول.. ضياء الدين البري
» ورجّـع قلبي ياشاطر .. احمد مصطفي البري ( ضياء الدين البري )
» وليـــــــــه الحب من تاني... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» عناوين تايهه ... أحمد مصطفي البري ( ضياء الدين البري )