admin
Admin
عدد المساهمات : 2444
تاريخ التسجيل : 12/06/2009
 |  موضوع: تعليق ودراسة من منتدي ( الخيمة العربية )  الجمعة سبتمبر 04, 2009 5:20 am | |
| السلام عليكم .. مجرد رأي
يسعدني أن أقدم بين أيديكم الكلمات الآتية
أكيد الضمير مخنوق
.........
من سنين
وانا قلبي ساكِن
مِش حَنين
من حبي
لكن ...
نفسه يهرب م القُيود
ينده الفجر اللي طالع
تسمعه كل الخلايق
يكتب معاني وحقايق
داخت ونايمه ع الحدود
جوَّا بير ملهوش قرار
يلملم حروفه اللي تاهت
في بحر وموجه كان غدار
يفرد كلام صهد ناره
يحرق سفاين جوه البحار
خايف ينكوي بنار كلامه
ينسجن جواه النهار
يندفن جوه قبر الجنون
عايش وحكْماه الظنون
إحكي ياقلبي
وانا هاسمعك
و ان كدبت هاصدقك
لو شطحت بره الحدود
لو شطبت إسم الجدود
بس تحكي...
من غير دموع
الموضوع..
إني شايف من الناس عجايب
رحاية دايره
من غير طحين
بس في البرواز حبايب
وكل واحد له عجين
قادوس يدوس حتي البراءة
من غير فلوس
بس بحداقه
خمرْ واعجن
شمَّرْ وادفن
كله في الفرن عيش
يطلع بارد
يطلع ساخن
المهم الناس تعيش
إلعب بيش
من غير مناوله
إكسب شيش
إعمل أي محاوله
إهرب ماتجيش
الخسران يدفع بقشيش
والكسبان يطلع بما فيش
الغلبان يمسك جرنال
يقرا كلامه بالمقلوب
بين صفحاته
يشوف أهوال
جناين طارحة قوالب طوب
والحقايق تبان دقايق
وبقية الحياة موال
والخلايق أكيد بتدايق
من كلام كتير مكتوب
وفيه ناس تدقق
وليه ناس تحقق ؟
والحيرة ماليه قلوب
والشطارة جوه العبارة
البطل يبان مغلوب
وصوره عريانه
من غير أدب ولا ذوق
والتانيه مليانه
تبص ليه من فوق؟
إنسان وعايش منكسر
دايخ في جبانه
محتار وغيره مقتدر
والنِّفس نعسانه
ينده عليه القمر
يتوه جواه ويغيب
ينسي الإله ويخيب
وياريته مره يفوق
كلام , أنا قلته
ويمكن سهل نسيانه
وف قلبي شلته
وبين السطور تبيانه
المعني جوه الضمير
عايش أكيد مخنوق
أشكركم
وللجميع تحياتي
التوقيع
كلام من قلبي
........
كام حرف يبقوا كلمه
والكلمه تبني أو تهد
والوطن شمسه نعمه
فيه نهرب وجواه نمد
ضياء الدين البري
,,,,,,,,,,,,,,,,,,,,,,,,,,,,,,,
تعليق من منتدي الخيمه العربية
أكيد الضمير مخنوق
.........
من سنين
وانا قلبي ساكِن
مِش حَنين
من حبي
لكن ...
نفسه يهرب م القُيود
ينده الفجر اللي طالع
تسمعه كل الخلايق
إلى هنا كان الوزن منضبطًا تمامًا
يكتب معاني وحقايق
من هنا بدأت سلسلة انكسارات الوزن ولكن صحبها تحسن واضح في الصور والتعبيرات
المجازية
داخت ونايمه ع الحدود
جميل للغاية تشبيه الحقائق بالناس المترنحة والنائمة على الحدود إن التعبير اكتسب جماله
في إظهار هذا الظلم الذي جعل الكلمات -وهي ليست بشرًا- تعاني من الإرهاق والتيه ،
وهذا اللفظ جعل للتعبير صورة جيدة تعبر عن الأسى الذي نعانيه في هذا الواقع المرير.
جوَّا بير ملهوش قرار
كان تعبيرًا جميلاً بشكل جزئي لكن في الشكل الكلي ربما يعتوره بعض الضعف لأن النائم على
الحدود لا يمكن أن يكون داخل بئر ، الصورة فيها تراتب كل شيء مرتبط بما بعده وهذا الترتيب
أفقده الصلة المنطقية . كيف يكون واحد على الحدود والحدود داخل البئر ؟
لو كنت تقصد بها التدليل على ضيق معنى الوطن وضيق الحياة فهذا المعنى ربما يحتاج إلى صياغة
أحسن من هذه لكن الفكرة فيها كانت ابتكارية جيدة .
يلملم حروفه اللي تاهت
في بحر وموجه كان غدار
عادية جدًا ومكررة
يفرد كلام صهد ناره
يحرق سفاين جوه البحار
خايف ينكوي بنار كلامه
ينسجن جواه النهار
جيد للغاية هذا التعبير ، أدى إلى إحالة النهار إلى شيء صغير لا يسكن داخل الفرد بل يسجن
تعبير سجن النهار كان فيه تميز لأنه يدل على حالة من اليأس المسترسل في جميع جوانب
الحياة وعمومًا من جماليات اللغة أن تكون الأشياء مستخدمًا لها دلالة عكسية للدلالة المنطقية
كظلام الشموع مثلاً ، عصائر الدماء ....إلخ .
يندفن جوه قبر الجنون
عايش وحكْماه الظنون
إحكي ياقلبي
وانا هاسمعك
و ان كدبت هاصدقك
لو شطحت بره الحدود
لو شطبت إسم الجدود
بس تحكي...
من غير دموع
الانتقال من المتلقي إلى النفس استغرق وقتًا طويلاً وعددًا من الأشطر كان ينبغي اختزالها
الموضوع..
هنا يأتي صوت الضمير الذي يحدث صاحبه وهذا يعني أن النص كان مغلقًا نوعًا ما ، أي أن مخاطبة المستمع لم تأت بشكل مباشر
إني شايف من الناس عجايب
رحاية دايره
من غير طحين
بس في البرواز حبايب
الصورتان جميلتان كل على حدة لكن إدخالهما مع بعض يجعل هنالك تنافرًا في بيئة التشبيه .فما علاقة الطحين والرحا بالبرواز ؟
وكل واحد له عجين
قادوس يدوس حتي البراءة
من غير فلوس
بس بحداقه
خمرْ واعجن
شمَّرْ وادفن
كله في الفرن عيش
يطلع بارد
يطلع ساخن
المهم الناس تعيش
كلها كانت صورًا جيدة فيها توازي بين الحالة النفسية وما يُفعل بالمواطن وبين العجين دلالة على أن الإنسان في وطننا يعجن ويطحن ويصير مادة (تأكلها الحيتان ).لكن اضطراب الوزن أفسد الكثير من الصور التي كانت جيدة ومميزة فعلاً .
إلعب بيش
هي الدومينو أليس كذلك ؟ لها دلالة على البشر الذين صاروا مجرد ثقوب في لعبة أوصار الإنسان
شيئًا يراهن عليه الطرفان ليظفر به من ينتصر وهنا للبيش والشيش إسقاط على الواقع .
من غير مناوله
إكسب شيش
إعمل أي محاوله
إهرب ماتجيش
الخسران يدفع بقشيش
والكسبان يطلع بما فيش
الغلبان يمسك جرنال
يقرا كلامه بالمقلوب
بين صفحاته
يشوف أهوال
الانتقال إلى حال المواطن كان مسترسلاً بشكل جيد فلم أشعر بفجوة بين الصور بل انسابت بشكل
هادئ كشف عن المضمون المراد وكان التسلل إليه خفية عنصرًا فاعلاً في نجاح القصيدة.(لولا اختلال الوزن)
جناين طارحة قوالب طوب
جميل للغاية هذا التعبير عن الدولة والتي لم تنبت إلا المصائب وكانت الإيماءة إلى الطوب والجناين أي الحدائق جيدة لأنها أعطت إحساسًا متعمدًا ببشاعة الصورة .
والحقايق تبان دقايق
وبقية الحياة موال
والخلايق أكيد بتدايق
من كلام كتير مكتوب
وفيه ناس تدقق
وليه ناس تحقق ؟
والحيرة ماليه قلوب
والشطارة جوه العبارة
البطل يبان مغلوب
وصوره عريانه
من غير أدب ولا ذوق
والتانيه مليانه
تبص ليه من فوق؟
إنسان وعايش منكسر
دايخ في جبانه
محتار وغيره مقتدر
والنِّفس نعسانه
ينده عليه القمر
يتوه جواه ويغيب
ينسي الإله ويخيب
وياريته مره يفوق
كلام , أنا قلته
ويمكن سهل نسيانه
وف قلبي شلته
وبين السطور تبيانه
المعني جوه الضمير
عايش أكيد مخنوق
كل هذه الصور كانت بحاجة إلى تركيز أكثر وسرد أبرع لأنها صور عادية ولم تضف شيئًا إلى
القصيدة بل كانت مشاهد متفرقة كأنها جاءت فقط لختام | |
|
admin
Admin
عدد المساهمات : 2444
تاريخ التسجيل : 12/06/2009
| | موضوع: تعليقات علي ......اكيد الضمير مخنوق الجمعة سبتمبر 04, 2009 5:14 am | |
|
من طرف ضياء الدين البري في الإثنين يونيو 22, 2009 9:50 pm
همس العيون كتب:
قويه صرختك ياضياء بتهز كل الاحساس
معاها وبتقرء اللى كل الناس
ناسياها
وتعد ساعات للنفس حسباها
ووبتدور تلاقى الخير لكن حتى
الكلمه ما لقياها
برافووووووووو عليك ياضياء
تسلم صرخاتك
اللى بتفجر كل الاحساس
جوانا
يسعدنى ان اكون اول المعلقين على
هذه التحفه الشعريه
تقبل مرورى ايها
البطل الصارخ
اختك/همس
..........
السلام عليكم .. مجرد رأي
الشاعرة الرائعه
اختي / همس
تحياتي وتقديري
وشرف عظيم ليَّ
ولكلماتي أن تكوني أول المعلقين علي كلماتي
وصدقيني
كل كلمه بقولها من قلبي وبمحبه تعبيرا عما بداخلي
لاني بالفعل باموت في البلد دي
أمي وابويا
وكل ماليَّ
ومش هانقدر نوفيها
ولا هاقدر اعبر عن كل اللي ف قلبي
ليها
ولكن
كل اللي املكه
هو الدعاء لها ولابنائها جميعهم بدوام المحبة
من اجل هذا البلد الطيب اهلها
وترابها الطاهر
بحبها بجد ياهمس
اكرر لك الشكر والتقدير
وللجميع تحياتي
.......
من طرف ضياء الدين البري في الثلاثاء يونيو 23, 2009 10:26 pm
عادل عوض سند كتب:
الاستاذ الشاعر
ضياء الدين
مصر هى جنة الله فى ارضه وهى سالمه ان شاء الله الى يوم الدين
رغم مابها من مقلقات ولكنها آمنه بمشيئة الله .
نص كُتب من القلب فوصل الى القلب وتحيه لقلمك الذواق الواعى
وتقبل ودى وتقديرى ...
السلام عليكم .. مجرد رأي
الاستاذ الفاضل / عادل
تحياتي وتقديري
واشكر لحضرتك متابتعتي
ومن القلب اكتب بما ينبض به
وصدقني استاذ عادل أنني لا أستطيع مهما كتبت
أن أعبر عن كل حبي لبلدي العظيمه
وأهلها الكرام
فبالفعل أحبها كثيرا , ودائما مهموم بهمها
وأسعد لسعادة أهلها الطيبين
وهذا تأكدت منه عندما أراد الله لي أن
أودعها مرات مغتربا
سعيا للرزق كما أمرنا الله
فكنت أقاسي من مرارة الغربه وأنا بعيد عنها
بلدي...
بلد الحب
ونبض القلب
الخير فيها جناين
الحب فيها مداين
أرضها , بتسبح ببسم الله
سماها , تنده يآ الله
ولست الوحيد اللي بيحبها
وانما كل مصري أصيل بيموت فيها حبا
ولابد وأن يحب شعبها الطيب
دا بلدنا حاجة كبيرة قوي
بس فيه ناس مش واخده بالها
لك كل الشكر
وللجميع تحياتي
.....
من طرف ضياء الدين البري في الجمعة يونيو 26, 2009 1:00 pm
="عاطف الجندى"]
الجميل ضياء الدين
قصيدة جميلة و بها عين ناقدة
ترى و تفرق بين الجيد و الردىء
مودتى لروعتك
أخوك
السلام عليكم .. مجلرد رأي
الأستاذ الفاضل / عاطف
تحياتي وتقديري
الأجمل أنك تتابعني بروح الشاعر الإنسان
الذي يحمل بين جنبيه قلب ينبض بالمحبة لكل المتواجدين
وروح تتغلب إنسانيتها
فأنت رمز لأصحاب الفكر والرأي والأدب
وكم تمنيت أن تكون الأغلبيه علي الساحة الأدبيه
بهذه الروح
أكرر شكري
وزيادة إحترامي وتقديري
وللجميع تحياتي
.........
من طرف ضياء الدين البري في السبت يونيو 27, 2009 4:47 pm
الشاعرة عزة الزرقانى كتب:
ضياء الدين البرى
جميل كلامك جدا
على فكره عاجبنى
جدا اسرارك
على التقدم والنجاح
مشاء الله عليك
اتغيرت عن الاول
كتير واكيد الضمير
عندك مش مخنوق
لانه بيطلع ابداع
كله ذوق
برافووووووووووووووووووووووووووووووووووووووووووووووو
[b]السلام عليكم .. مجرد رأي
الأستاذة
الشاعرة / عزة
تحياتي وتقديري
ولا أدري ماذا أقول غير أنني أهنيء نفسي
لمجرد مرورك علي كلماتي
والتعليق عليها بكلمات من نور
أضاءت ملامحي
فلك كل الشكر والتقدير
وللجميع تحياتي
........
من طرف ضياء الدين البري في الأحد يونيو 28, 2009 7:41 pm
بنت النيلشعر جميل يا ضياء
ربنا يوفقك
استمتعت بالعمل الجميل
السلام عليكم .. مجرد رأي
الاستاذة / بنت النيل
تحياتي وتقديري
من حسن القدر أن كلماتي يزينها مرورك
ويسعدني تعليقك
ولا أجد إلا أن اتوجه لحضرتك
بكل الشكر والتقدير والاحترام
وللجميع تحياتي
.......
من طرف ضياء الدين البري في الثلاثاء يونيو 30, 2009 12:41 am
الوردة الحمراء كتب:
قصيدة جميلة وكلمات منسابة برفق وليونة
لا عدمنا هذا الابداع منك اخي
ولك تحياتي
السلام عليكم .. مجرد رأي
تحياتي وتقديري
اليك
والي بستانك
ومريديك
وكل الشكر والتقدير لمتابعتك الدائمة لكتاباتي
وهذا الثناء العظيم منك
اقدم لك كل آيات الشكر
وتمنياتي لك بالتوفيق
وللجميع تحياتي
...........
| |
|
admin
Admin
عدد المساهمات : 2444
تاريخ التسجيل : 12/06/2009
| | موضوع: أكيد الضمير مخنوق الجمعة سبتمبر 04, 2009 5:05 am | |
| السلام عليكم .. مجرد رأي
تحياتي وتقديري
أكيد الضمير مخنوق ( بعد التعديل )
.........
من سنين
وقلبي كان ساكِن هنا
عايش حزين
صابر ويحبس دمعته
مني أنا
لأن دا حكم القدر
حاسس مقـدَّر لهفته
وقد إيه كان الحَنين
كتيرعاتبني واتـفطر
حاولت اهـدِّي كام سنه
رغم المرارة والأنين
جوانا عايشه مهيمنه
فجأه مقالش مقدمه
شفته ف يوم هد السدود
كان نفسه يهرب م القُيود
يزعق ونادي بأعلي صوت
يوصل لأعلي م الفنار
إسمعني ياكل البشر ؟
بلاش نضايق نفسنا
مهما النتيجة تكون خطر
نحكي نفضفض أو نموت
همتنا هربت مننا
طفشت وشارده هي فين؟
داخت ونايمه ع الحدود
جوَّاها بير ملهوش قرار
تاهت من الظلم الحروف
في بحر وموجه كان غدار
قال الكلام وريحته خوف
كفايه إن الصهد نار
يحرق حيتان جوه البحار
خايف ياقلبي يجيك شرار
أو تنكوي بنار الكلام
ينسجن جواك النهار
تندفن قبرك جنون
هاتبقي أنثي ومستعار
طول عمري كنت باسمعك
كتير ياقلبي واقول ظنون
اسمح لي مرة أنصحك
إحكي لي ع اللي مجننك
وانا مش هامنعك
حتي ان كدبت هاصدقك
إن شطحت بره الحدود
لو طفيت ضي الشموع
لو محيت إسم الجدود
بس تحكي من غير دموع
الموضوع!
إني شايف من الناس عجايب
رحاية دايره من غير طحين
كله في البرواز حبايب
وكل واحد له عجين
قادوس يدوس حتي البراءة
من غير دقيق
بس بحداقه
كله في الفرن عيش
يطلع بارد
يطلع ساخن
المهم الناس تعيش
تلعب بيش
تكسب شيش
الخسران دافع بقشيش
والكسبان يطلع بمفيش
واللي بيخطف
يجري ويهرب
عايش بره ولا بيجيش
وان جه يرجع
مش ممنوع
الغلبان يمسك جرنال
يقرا كلامه بالمقلوب
بين صفحاته يشوف أهوال
جناين طارحة قوالب طوب
والحقيقه تبان ف دقيقه
وبقيت حياتنا نعيش موال
كلمة قبيحة وكدبه جريئة
ياما قرينا كتير مكتوب
يغضب ناس مالهمش ذنوب
تنسي النوم وتبات ف الديقة
في الوطنيه تشوف تدقيق
والعفوية تجيب تحقيق
عايشين حيرة وماليه قلوب
ونشوف شطارة
مالية العبارة
متفصله من غير أصول
ونعرف بطل كله شهامه
نقرا المقاله
عنه برزاله
ومعاه ميدالية وكون مغلوب
وصوره عريانه
من غير أدب ولا ذوق
الدنيا مليانه
وناس دايخة في جبانه
وناس قاسية
وناس عاصية
وناس خايبه وطالعة لفوق
واللي حياته في كدر
غلبان وعايش منكسر
والنفس قنعانه
وتلاقي غيره مقتدر
والبطن صعرانه
يطلع عليه القمر
يتوه جواه ويغيب
ينسي الإله ويخيب
وياريته مره يفوق
كلام قلته
ويمكن سهل نسيانه
وف قلبي شلته
وبين السطور تبيانه
المعني جوه الضمير
عايش أكيد مخنوق
أشكركم
وللجميع تحياتي
عدل سابقا من قبل admin في الثلاثاء سبتمبر 22, 2009 10:02 am عدل 4 مرات | |
|
