admin Admin
عدد المساهمات : 2444 تاريخ التسجيل : 12/06/2009
| موضوع: ......قصيده للشاعرة / فوزيه شاهين .. أم القوافي السبت يناير 23, 2010 3:50 am | |
| لما الود مابينـــــــــــــــــا يموت
وبيجرحنا كـــــــــــلام وسكوت
راح نتألم لمـــــــــــــــا هنحكي
طب ليه نجرح غيــرنا بصوت
:
لما الشعر يقسّـــــــــــــــم فينا
ويفـــرقنا بخط إيدينــــــــــــا
طيب قول لــــي بنشعـــر ليه
لما هنأذي شعـــــور بعضينا
:
: بكرة هموت وانا صاحبي بعيد
علشان فكــــــر ف عقلي عنيد
والشعر اللي ف ساحته جمعنا
بكرة يقول ولا صلــــــح يفيد
:
راح الود مابينــــــــــا ياناس
من شيطان وســـواس خناس
رغم الود دا زينة عمــــــري
ولا يتباع بـــــــــلآليء ماس
: :
دا الإحساس بيعلـــــــــــــم فينا
لمّا نخاف كدة علــــــى بعضينا
وامّا نلاقي صديقنا حـــــــزين
نجري نداوي بننــــــــي عنينـا
:
أخسر صاحبي وعلشـــــــان إيه
وانا بيه الدفا والنـــــــور لعينيه
كنت زمـــــــــــان بهزم أحزانه
لما تجور الدنيــــــــا عليــــــه
:
هو دا صاحبي وبحلـــم بيــــه
بدعي المولـــــــى الله يخليــــه
وإن في شيطان هيفرق بينـــــا
لازم نقطــــع سوى رجليــــــه
:
صاحبي دا أملـــــي وكــــل حياتي
ولا تفصله أشعــــــــار عــن ذاتي
وإن فصلته أشعـــــــار من عمري
يومها هسجـــــــل بعـــــــده وفاتي
:
صاحبي دا كل الدنيا فــــــي عيني
يهجر نفسه عشـــــــــان يواسيني
وأنا بالود أقـــــــــدم عمـــــــري
أصله دا عِشرة كــــــــــل سنينـي
:
: كنا زمــــــان دايمــــــــا أحبــــــاب
ولا أعــــــــــداء بتــــــدق البــــاب
بس ياعينـــــــــي الشعـــــــر دبحنا
رغم الشعـــــــــر كلام كـــــــــداب
:
اوعى ياصاحبـــــي تفكـــــــر فيه
ولا تتركني عشـــــان تخـــــــاويه
أنا مقدرش أبــــــات متهنــــــــي
واخسر صاحبـــــــي عشان أفديه
:
قلبي بيبكي علشـــــــــان صاحبي
أصله ف يوم طبطب على جرحي
وأنا مش ناسية الذكــــرى الحلوة
لو يوم جالي راح انشــــر فرحي
:
لازم نــــــــرجع ســــــوى أحباب
نفتح ود ما بينـــــــــــــا كتـــــاب
ناخد منه الذكــــرى الحلــــــــوة
وامسح منه كــــــــلام متعــــاب
:
لما الشعر يكـــــــــون أغنيــــــة
حلوة مابينـــــــــا وردة نديــــــة
مش ممكن هنفـــــــــرط فيــــــه
ولا نعملها بكلمــــــــة قضيـــــة
:
ممكن أخســــر كـــــــل قصيدة
علشان أختي أشوفهــــــا سعيدة
ولا أخلي الشعـــــر يفرقنــــــا
ولا أخليها تسبنــــي وحيـــــدة
:
أنا مش ممكن أكــــون إنسـانة
لو بالشعـــــر هبــــات متهـانة
ولا أجرّح ف الناس الحـــلوة
وابقى ف بق الكــــــــل لبانــة
: :
عالم سحري ف كــــــل مكان
مابيدخله عفـــــــريت أو جان
أصل قلوب الشعـــــرا جميلة
داحنا ملايكة ف روح إنسـان
:
أوعى ف يوم تجـرح ف صديق
أو تتعمد هجـــــــــــــــر شقيق
دي اللحظة المــــــــــرة تعلمنا
إن الصاحـب وقت الضيـــــق
أهل الشعر دا عالــــــــم تانـــــي
مافيهوش واحد فينــــــا أنانـــــي
وإن جت غلطة مابينـــــــا تفرق
نقتل فينا غـــــــرور إنسانــــي
: :
اتكلمنا كـــــــــــــــلام معلــــوم
لجل نبطـــــــــل شجب ولــــوم
دي الصحبة الحلــوة هتجمعنـــا
ولا نتفرق تانـــــــــي ف يــوم
فوزية شاهين | |
|