........باشوف الدنيا منحوسه.. ورابط المنتدي

Admin عدد المساهمات : 2444 تاريخ التسجيل : 12/06/2009

..باشوف الدنيا منحوسه

........باشوف الدنيا منحوسه.. ورابط المنتدي Icon_minipost

من طرف ضياء الدين البري في الإثنين يناير 18, 2010 12:54 am

السلام عليكم .. مجرد رأي
احترامي وتقديري

باشوف الدنيا منحوسه
.......

زماااااااااااااان .!!!
كات الفرصه موجوده
لكل الناس ، بلا حرمان
مافيش إنســان
بيعصي العلم أو تنوير
وعشنا ف دنيا محدوده
ماشفناش كذب ، أو تزوير
وشوفنا الفقر كان رهوان
ف عز شبابه يتنطط
وكان ساكن سما وبنيان
ويتـْشاقه
ويتـْباهي
بيتمخترعلي جبينـّا
ويتفطط علي بطونـّا
مابيْفـَرَّقـْش
مابين وزرا ولا غفرا
مابين طببا ، ولا شعرا
وكان صاحبي
وعاش صاحبك
يواسينا كما الإنسان
وكان الفرض مش سنـّه
ومعظمنا
كان إسمه فقير
ف كان الفقر مايعيـبنا
عشان العلم بيزينـّا
بنتعلم
ونتقدم
نلاقي الفرصه بتجيلنا
ماكتش الواسطه مفروضه
ولاتحرمنا من دورنا
وإلا......!!!!!!
مكانشي طه يتحفنا
ولا الشعراوي يوعظنا
ولا زغلول بقي كبيرنا
ولا عرابي يحمسنا
ولا كامل ينورنا
ولا الثوره
يقودها جيل من الفـُقـَرا
ولا العـُلـَما في أي مجال
نلاقيهم هنا بينـّـا
في كل الدنيا رافـْعنـّـا
ودلوقتي
ومن دوختي
باشوف الدنيا منحوسه
بتـتـقسم بدون كيال
بحجة واهيه مدسوسه
ومحسوبه فئات ، عُمّال
وتتعجب علي الأحوال
دا إبن البيه يكون باشا
بدون هيئه ، ولا خبره
يدير شركه ، تطير أموال
ويتكرَّم ، ولا الخُبـَرَه
ويتصور كما الأبطال
يومين واهرب علي برَّه
ولا يعبر ، ولا ينطال
ويكفينا نشوف عبره
وجيبوا لـْنا هموم أخري
تعيش أولادنا مفروسه
بحجة فقرنا وغيرنا
بينهب قوتـْنا واحرمنا
ونستغرب
ونتغرب
وفي الغربه
نعيش توهان
ونتذلل
ونتحمل
بعاد الأهل والخلان
ونفني العمر والهمّه
عشان اللقمه والهدمه
ويكرمنا عزيز رحمن
ونبعت كل أرزاقنا
ويبنوا عشه تجمعنا
وترحمنا من الغربان
ونرجع بعد دا كله
نلاقي كشف بديونّا
يا إمّا نسدد الأول
يا إمّا نعود كما كنـّا
نعيش غـُرَبَهْ
ولكن جوّ أوطانّا
وناس قاسيه بتلزمنا
ووقت الجد تهملنا
وتغصبنا
وتلزمنا
نتوه تاني ، مع النسيان

.......

أشكركم
وللجميع تحياتي

رابط منتدي أ / عاطف الجندي

http://elgendy.forumotion.com/montada-f3/topic-t8626.htm

رابط منتدي قناديل الفكر والأدب

http://www.kanadeelfkr.com/vb/showthread.php?t=13936

» .........الغولة واقفــه مشرّفــه..........ورابط المنتدي
» .........إحفــظ يــا قلبــي..........ورابط المنتدي
» .........ربي دعيته قول آميـــن ورابط القصيدة في منتدي أ/عطف الجندي
» مطلوب
» صور التميز في المنتدي