ياااااااااااااااأمتي ....ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. مجرد رأي
كلام من قلبي

.......

يااااااااااااااااأمتي

......

يا اااااااااااااأمتي

صعبان علـّي محنتـك

داقـِتْ علـّي دنيتي

صبحت عروقي منمّـله

من يوم ماضِعْـفـِتْ همتك

القلب عاوز قسطره ، ومحمّـله

في النبض هِـبْـطِتْ دقتـِك

زادت في قلبي قهرتي

الصحّـه بايته مكسّـله

والعلـّـه عرفت سكتك

من يوم مابيعتي عزتي

ماشيه الطريق ومْـكمْله

شيخوخه سكنت حكمتك

أصرخ واقول يادهوتي

سنين بتمشي محمّله

من عمرنا تاخد وتضعف شدتك

نفسي تجيني أخرتي

وتكون شهادتي مكمّله

وحدة صفوفك عزوتك

باخـْوَاتنا تكمل قوتي

برضه تواصلي مْغـَفـِّـله

قابله أمور مش رغبتك

هانت عليكي دمعتي

حتي أراءْنا مُهْمَــله

راضيه بهواني في دنيتك

بالرغم إن محبتي

وصلاك قايده مشعلله

وكمان تزيدي قسوتك

ضعفك مزود بلوتي

والغوله رايقه مصهلله

سايقانا دايسه كلمتك

وانتي اللي ساجنه همتي

وقضيتي ، مش حنجله

ولارقصه تعجب حضرتك

ياريت تصوني رغبتي

تدينــا فـرصه مؤجـله

طالت سنينها برغبتك

ساعتها شوفي قوتي

جوّ الميدان ومجلجـله

الكل يسعي لنصرتك

ساعتها تكمل فرحتي

ترجع هيبتنــا مبجـّله

تجمع قلوبنــا محبتك

ما انتي الحقيقه فْ دنيتي

ياااااااااااااااأمتي

http://elgendy.forumotion.com/montada-f3/topic-t10342.htm

.........

أشكركم

وللجميع تحياتي

» وليـــــــــه الحب من تاني... أحمد مصطفي البري ( ضياء الدين البري )
» ورجّـع قلبي ياشاطر .. احمد مصطفي البري ( ضياء الدين البري )
» عناوين تايهه ... أحمد مصطفي البري ( ضياء الدين البري )
» في أواخـــــــــر الســـــطر .....أحمد مصطفي البري (ضياء الدين البري )
» ياااااااذكري عاميـــــــــــه ..... ضياء الدين البري