قصيدتي : وليه ياخلق م الأول.. ضياء الدين البري

Admin عدد المساهمات : 2444 تاريخ التسجيل : 12/06/2009

السلام عليكم .. مجرد رأي
كلام من قلبي

http://elgendy.forumotion.com/montada-f3/topic-t10950.htm

وليه ياخلق م الأول.؟

......

وليه يا خلق م الأول
نعيش الغربه طوالي
وشكل الحاله هاتطول
مابين عمي وبين خالي
كتير الوضع يتهـوّل
ويبقي القصد إهمالي
تتوه البنت والعيّل
أشوف في الدنيا أهوالي
أكون يائس وأتجمل
ولاقي الهايفه جيّالي
بسم الحيّـه يتجول
يسمم زرع حوّالي
بيحرق قلبي وتـْعلل
وعين الغوله بصّالي
تهدد فيّ وتهلل
ويشمت فيّ عُـزالي
كتير أيامنا بتليّـل
وبتقطـّع في أوصالي
نقول الحق يتأوّل
وخوف الرّب راسمالي
ياريت الأخ يتحمل
ياريت يصفح وينسالي
هاسيبه في قلبي يتجول
ونبني الأمه في العالي
وكل الإخوه تتخيل
وشكل القمّه بيلالي
وكل أمورنا تتحوّل
بحُرْيّه وصوت عالي
ساعتها بـُصْ واتأمل
هتلقي العزوه جيّالي
عدو الأمه يتذلل
يقول العفو ياغالي

.........

أشكركم
وللجميع تحياتي

» فين الرحمة ياخلق اللــــــــــــــــــه ..؟؟ ضياء الدين البري
» قصيدتي : بلاش تخدعني.....ضياء الدين البري
» وليه الحب من تاني..؟ ...كلمات : ضياء الدين البري
» ورجّـع قلبي ياشاطر .. احمد مصطفي البري ( ضياء الدين البري )
» وليـــــــــه الحب من تاني... أحمد مصطفي البري ( ضياء الدين البري )